గుర్తుంచుకోండి... ఇది టీజర్ మాత్రమే: మహేశ్ బాబు

టాలీవుడ్ విలక్షణ నటుడు సత్యదేవ్ హీరోగా నటిస్తున్న తాజా చిత్రం 'రావు బహద్దూర్'. ఈ సినిమా టీజర్‌ను సూపర్ స్టార్ మహేశ్ బాబు శుక్రవారం సోషల్ మీడియా వేదికగా విడుదల చేశారు. తన నిర్మాణ సంస్థ జీఎంబీ ఎంటర్‌టైన్‌మెంట్ ఈ చిత్రాన్ని సమర్పిస్తుండటంతో మహేశ్ ఈ టీజర్‌పై ప్రత్యేకంగా స్పందించారు.

టీజర్‌ను పంచుకుంటూ.. "గుర్తుంచుకోండి... ఇది కేవలం టీజర్ మాత్రమే!! 'రావు బహద్దూర్' అసాధారణమైన విజన్‌ను తెరపైకి తీసుకొచ్చిన చిత్ర బృందానికి నా అభినందనలు. ఈ టీమ్ గురించి గర్వంగా ఉంది" అని మహేశ్ బాబు తన పోస్టులో పేర్కొన్నారు. జూలై 3న ఈ సినిమా థియేటర్లలోకి వస్తోందని కూడా ప్రకటించారు.

'ఉమామహేశ్వర ఉగ్రరూపస్య' ఫేమ్ వెంకటేశ్ మహా ఈ చిత్రానికి దర్శకత్వం వహిస్తున్నారు. ఇందులో సత్యదేవ్‌కు జోడీగా దీపా థామస్ నటిస్తోంది. మహేశ్ బాబు సమర్పణలో జీఎంబీ ఎంటర్‌టైన్‌మెంట్స్‌తో పాటు శ్రీచక్రాస్ ఎంటర్‌టైన్‌మెంట్స్, ఏ ప్లస్ మూవీస్, మహాయాన మోషన్ పిక్చర్స్ సంయుక్తంగా ఈ సినిమాను నిర్మిస్తున్నాయి.

ప్రస్తుతం ఈ టీజర్ సోషల్ మీడియాలో మంచి స్పందన రాబట్టుకుంటోంది. సూపర్ స్టార్ మహేశ్ బాబు స్వయంగా ప్రమోట్ చేయడంతో సినిమాపై అంచనాలు ఒక్కసారిగా పెరిగాయి. విభిన్నమైన కథాంశంతో వస్తున్న ఈ చిత్రం ప్రేక్షకులను ఆకట్టుకుంటుందని చిత్ర యూనిట్ ధీమా వ్యక్తం చేస్తోంది.