గాయంతో హార్దిక్ ఔట్.. ముంబై కెప్టెన్ గా సూర్య... లక్నోతో మ్యాచ్

ముంబైలోని వాంఖడే స్టేడియం వేదికగా జరుగుతున్న ఐపీఎల్ 2026 మ్యాచ్‌లో లక్నో సూపర్ జెయింట్స్‌తో తలపడుతున్న ముంబై ఇండియన్స్ జట్టుకు గట్టి ఎదురుదెబ్బ తగిలింది. రెగ్యులర్ కెప్టెన్ హార్దిక్ పాండ్యా వెన్నునొప్పి (బ్యాక్ స్పాజమ్) కారణంగా ఈ మ్యాచ్‌కు దూరమయ్యాడు. దీంతో, అతని స్థానంలో సూర్యకుమార్ యాదవ్ కెప్టెన్సీ బాధ్యతలు చేపట్టాడు. టాస్ గెలిచిన సూర్యకుమార్ వెంటనే ఫీల్డింగ్ ఎంచుకున్నాడు.

వాతావరణంలో తేమ ఎక్కువగా ఉండటం, రెండో ఇన్నింగ్స్‌లో పిచ్ బ్యాటింగ్‌కు అనుకూలించే అవకాశం ఉండటంతోనే ఈ నిర్ణయం తీసుకున్నట్లు సూర్యకుమార్ తెలిపాడు. ట్రెంట్ బౌల్ట్ స్థానంలో కార్బిన్ బాష్ జట్టులోకి రాగా, స్టార్ బ్యాటర్ రోహిత్ శర్మ ఇంపాక్ట్ ప్లేయర్‌గా బరిలోకి దిగనున్నాడు. తాము ఈ సీజన్‌లో అభిమానులను, జట్టు యజమానిని నిరాశపరిచామని, మిగిలిన మ్యాచ్‌లలో అత్యుత్తమ ప్రదర్శన చేసి వారికి సంతోషాన్ని పంచుతామని లక్నో కెప్టెన్ రిషభ్ పంత్ అన్నాడు. తాము టాస్ గెలిచినా బౌలింగే ఎంచుకునేవాళ్లమని చెప్పాడు. లక్నో జట్టులో మూడు మార్పులు జరిగాయి. జోష్ ఇంగ్లిస్ జట్టులోకి రాగా, యువ ఆటగాడు అక్షత్ రఘువంశీ అరంగేట్రం చేస్తున్నాడు.

లక్నో సూపర్ జెయింట్స్: మిచెల్ మార్ష్, ఐడెన్ మార్క్‌రమ్, రిషభ్ పంత్ (కెప్టెన్/వికెట్ కీపర్), జోష్ ఇంగ్లిస్, నికోలస్ పూరన్, అక్షత్ రఘువంశీ, హిమ్మత్ సింగ్, మహ్మద్ షమీ, మోహ్సిన్ ఖాన్, అవేష్ ఖాన్, ప్రిన్స్ యాదవ్.
ఇంపాక్ట్ సబ్స్: మణిమారన్ సిద్ధార్థ్, దిగ్వేష్ సింగ్ రాఠీ, మయాంక్ యాదవ్, షాబాజ్ అహ్మద్, అబ్దుల్ సమద్.

ముంబై ఇండియన్స్: ర్యాన్ రికెల్టన్ (వికెట్ కీపర్), నమన్ ధీర్, సూర్యకుమార్ యాదవ్ (కెప్టెన్), తిలక్ వర్మ, విల్ జాక్స్, రాజ్ బావా, కార్బిన్ బాష్, దీపక్ చాహర్, జస్ప్రీత్ బుమ్రా, ఏఎం ఘజన్‌ఫర్, రఘు శర్మ.
ఇంపాక్ట్ సబ్స్: రోహిత్ శర్మ, మయాంక్ రావత్, రాబిన్ మింజ్, శార్దూల్ ఠాకూర్, ట్రెంట్ బౌల్ట్.