జోరు మీదున్న గుజరాత్... పంజాబ్ పై టాస్ గెలిచిన గిల్

ఐపీఎల్ 2026లో పంజాబ్ కింగ్స్‌తో కీలక మ్యాచ్‌లో గుజరాత్ టైటాన్స్ టాస్ గెలిచి ఫీల్డింగ్ ఎంచుకుంది. అహ్మదాబాద్ లోని నరేంద్ర మోదీ స్టేడియం వేదికగా ఈ మ్యాచ్ జరుగుతోంది. ప్లేఆఫ్స్ రేసు హోరాహోరీగా మారుతున్న తరుణంలో ఈ మ్యాచ్ ఇరు జట్లకు కీలకంగా మారింది.

టాస్ గెలిచిన అనంతరం గుజరాత్ కెప్టెన్ శుభ్‌మన్ గిల్ మాట్లాడుతూ, "మేము మొదట బౌలింగ్ చేస్తాం. గత కొన్ని మ్యాచ్ లలో ఛేజింగ్‌లో బాగా రాణిస్తున్నాం. మా బౌలర్లు కూడా రాణిస్తుండటంతో అదే జోరును కొనసాగించాలనుకుంటున్నాం. సరైన సమయంలో రాణించడం ముఖ్యం. జట్టులోకి నిశాంత్ సింధు అరంగేట్రం చేస్తున్నాడు" అని తెలిపాడు.

పంజాబ్ కెప్టెన్ శ్రేయస్ అయ్యర్ మాట్లాడుతూ, "పిచ్‌పై గడ్డి, బౌన్స్ ఉన్నాయి. ఇది మరో సాధారణ గేమ్, మా అత్యుత్తమ ప్రదర్శన ఇస్తాం" అని పేర్కొన్నాడు.

వరుసగా రెండు విజయాలు సాధించి గుజరాత్ మంచి ఊపు మీదుండగా, టేబుల్ టాపర్‌గా ఉన్న పంజాబ్ కింగ్స్ గత మ్యాచ్‌లో తొలి ఓటమిని చవిచూసింది. ఈ మ్యాచ్‌లో గెలిచి తిరిగి విజయాల బాట పట్టాలని పంజాబ్ పట్టుదలగా ఉంది.

గుజరాత్ టైటాన్స్: శుభ్‌మన్ గిల్ (కెప్టెన్), సాయి సుదర్శన్, జోస్ బట్లర్ (వికెట్ కీపర్), నిశాంత్ సింధు, వాషింగ్టన్ సుందర్, జాసన్ హోల్డర్, రషీద్ ఖాన్, అర్షద్ ఖాన్, కగిసో రబాడ, మహ్మద్ సిరాజ్, మానవ్ సుతార్.

పంజాబ్ కింగ్స్: ప్రభ్‌సిమ్రాన్ సింగ్ (వికెట్ కీపర్), ప్రియాంశ్ ఆర్య, కూపర్ కనోలీ, శ్రేయస్ అయ్యర్ (కెప్టెన్), సూర్యాన్ష్ షెడ్గే, నేహాల్ వధేరా, మార్కస్ స్టోయినిస్, మార్కో యాన్సెన్, జేవియర్ బార్ట్‌లెట్, అర్ష్‌దీప్ సింగ్, యుజ్వేంద్ర చాహల్.