అంబానీ ఇంట రిహానా సందడి.. భారతీయ సంస్కృతికి ఫిదా!

ప్రముఖ పాప్ సింగర్, గ్లోబల్ ఐకాన్ రిహానా ముంబైలోని అంబానీ నివాసంలో సందడి చేశారు. అంబానీ కుటుంబసభ్యులు ఆమెకు ప్రత్యేక ఆతిథ్యం ఇచ్చి, మధ్యాహ్న విందు ఏర్పాటు చేశారు. ఈ సందర్భంగా భారతీయ కళ, సంస్కృతి, నృత్య రూపాల గురించి రిహానా ఆసక్తిగా తెలుసుకున్నారు.

అనంత్ అంబానీ, రాధికా మర్చంట్, ఈషా అంబానీ, శ్లోకా మెహతా తదితరులు రిహానాకు సాదర స్వాగతం పలికారు. వారితో కలిసి రిహానా భోజనం చేస్తూ సరదాగా ముచ్చటించారు. ఈ విందు కార్యక్రమం కుటుంబసభ్యుల మధ్య అత్యంత ఆత్మీయంగా జరిగింది.

రిలయన్స్ రిటైల్ సంస్థ తన సౌందర్య ఉత్పత్తుల బ్రాండ్ 'ఫెంటి బ్యూటీ' వేడుకల కోసం రిహానాను భారత్‌కు తీసుకువచ్చింది. ఈ బ్రాండ్ ఉత్పత్తులు భారత్‌లో ప్రత్యేకంగా 'టిరా', 'సెఫోరా' స్టోర్లలో అందుబాటులో ఉన్నాయి. ఈ బిజినెస్ టూర్ లో భాగంగానే ఆమె అంబానీ కుటుంబాన్ని మర్యాదపూర్వకంగా కలిసినట్లు తెలుస్తోంది.

రిహానా గతంలో అనంత్ అంబానీ ప్రీ వెడ్డిండ్ వేడుకల్లోనూ సందడి చేశారు.