కేకేఆర్ తో మ్యాచ్... టాస్ గెలిచిన రాజస్థాన్ రాయల్స్

ఈడెన్ గార్డెన్స్ వేదికగా కోల్‌కతా నైట్ రైడర్స్‌ (కేకేఆర్)తో మ్యాచ్‌లో రాజస్థాన్ రాయల్స్ (ఆర్ఆర్) టాస్ గెలిచి బ్యాటింగ్ ఎంచుకుంది. ఈ సీజన్‌లో అద్భుత ఫామ్‌లో ఉన్న రాజస్థాన్, వరుస పరాజయాలతో సతమతమవుతున్న కోల్‌కతా మధ్య ఈ పోరు ఆసక్తికరంగా మారింది.

ఈ సీజన్‌లో వరుసగా నాలుగు విజయాలతో దూసుకెళ్లిన రాజస్థాన్, గత మ్యాచ్‌లో సన్‌రైజర్స్ హైదరాబాద్ చేతిలో ఓటమి పాలైంది. తిరిగి విజయాల బాట పట్టాలని పట్టుదలగా ఉంది. మరోవైపు, కోల్‌కతా నైట్ రైడర్స్ ఇప్పటివరకు ఆడిన ఆరు మ్యాచ్‌లలో ఒక్క విజయం కూడా సాధించలేకపోయింది. వర్షం కారణంగా రద్దయిన ఒక మ్యాచ్ ద్వారా లభించిన పాయింట్‌తో పట్టికలో అట్టడుగున ఉంది.

టాస్ గెలిచిన రాజస్థాన్ కెప్టెన్ రియాన్ పరాగ్ మాట్లాడుతూ, "పిచ్ పొడిగా ఉంది, కాబట్టి మొదట బ్యాటింగ్ చేయాలని నిర్ణయించుకున్నాం. గత మ్యాచ్ నుంచి పాఠాలు నేర్చుకుని మెరుగ్గా ఆడతాం," అని చెప్పాడు. హెట్‌మెయర్, బ్రిజేష్ తిరిగి జట్టులోకి వచ్చారని తెలిపాడు.

మరోవైపు, కేకేఆర్ కెప్టెన్ అజింక్య రహానే మాట్లాడుతూ, "మేము కూడా బ్యాటింగ్ చేయాలనే అనుకున్నాం. మా బ్యాటర్లు ఒత్తిడి లేకుండా ఆడాలని కోరుకుంటున్నాం. బౌలర్లు రాణిస్తుండటం సంతోషంగా ఉంది. జట్టులో ఎలాంటి మార్పులు లేవు" అని వివరించాడు. ఐపీఎల్ చరిత్రలో ఈ రెండు జట్లు 32 సార్లు తలపడగా, కేకేఆర్ 16, రాజస్థాన్ 14 మ్యాచ్‌లలో విజయం సాధించాయి.

రాజస్థాన్ రాయల్స్
వైభవ్ సూర్యవంశీ, యశస్వి జైస్వాల్, ధ్రువ్ జురెల్ (వికెట్ కీపర్), రియాన్ పరాగ్ (కెప్టెన్), షిమ్రాన్ హెట్‌మైర్, డొనోవన్ ఫెరీరా, రవీంద్ర జడేజా, జోఫ్రా ఆర్చర్, నాండ్రే బర్గర్, రవి బిష్ణోయ్, బ్రిజేష్ శర్మ.

ఇంపాక్ట్ సబ్‌స్టిట్యూట్‌లు: సందీప్ శర్మ, శుభమ్ దూబే, లువాన్-డ్రే ప్రిటోరియస్, రవి సింగ్, యశ్ పూంజా.

కోల్‌కతా నైట్ రైడర్స్
అజింక్య రహానే (కెప్టెన్), టిమ్ సీఫెర్ట్ (వికెట్ కీపర్), కామెరాన్ గ్రీన్, రోవ్‌మన్ పావెల్, రింకూ సింగ్, సునీల్ నరైన్, రమన్‌దీప్ సింగ్, అనుకుల్ రాయ్, వైభవ్ అరోరా, కార్తీక్ త్యాగి, వరుణ్ చక్రవర్తి.

ఇంపాక్ట్ సబ్‌స్టిట్యూట్‌లు: అంగ్‌క్రిష్ రఘువంశీ, ఫిన్ అలెన్, మనీశ్ పాండే, తేజస్వి సింగ్, నవదీప్ సైనీ.