గురుగ్రామ్ భూ వ్యవహారంలో సోనియా అల్లుడికి నోటీసులు
- రాబర్ట్ వాద్రాకు మనీలాండరింగ్ కేసులో ఢిల్లీ కోర్టు సమన్లు
- గుర్గావ్ భూ ఒప్పందం కేసులో ఈడీ ఛార్జ్షీట్ను పరిగణనలోకి తీసుకున్న కోర్టు
- వాద్రాతో పాటు మరో 8 మందికి సమన్లు జారీ
- మే 16న కోర్టు ముందు హాజరుకావాలని ఆదేశం
ప్రముఖ వ్యాపారవేత్త, కాంగ్రెస్ ఎంపీ ప్రియాంకా గాంధీ భర్త రాబర్ట్ వాద్రాకు ఢిల్లీ కోర్టులో ఎదురుదెబ్బ తగిలింది. గుర్గావ్లోని షికోపూర్ భూ ఒప్పందానికి సంబంధించిన మనీలాండరింగ్ కేసులో ఆయనకు, మరో ఎనిమిది మందికి ప్రత్యేక కోర్టు బుధవారం సమన్లు జారీ చేసింది. ఎన్ఫోర్స్మెంట్ డైరెక్టరేట్ (ఈడీ) దాఖలు చేసిన ప్రాసిక్యూషన్ ఫిర్యాదును (ఛార్జ్షీట్) పరిగణనలోకి తీసుకున్న రౌస్ అవెన్యూ కోర్టు, మే 16న తమ ముందు హాజరుకావాలని నిందితులందరినీ ఆదేశించింది.
2008 నాటి ఈ భూ ఒప్పందం కేసులో మనీలాండరింగ్ నిరోధక చట్టం (పీఎంఎల్ఏ) కింద ఈడీ ఛార్జ్షీట్ దాఖలు చేసింది. ఏప్రిల్ 4న ఇరుపక్షాల వాదనలు విన్న కోర్టు, ఛార్జ్షీట్ను విచారణకు స్వీకరించాలా వద్దా అనే అంశంపై తీర్పును రిజర్వ్ చేసింది. తాజాగా ఛార్జ్షీట్ను పరిగణనలోకి తీసుకుంటూ నిందితులకు సమన్లు జారీ చేసింది. తనపై ఎలాంటి మనీలాండరింగ్ కేసు నమోదు కాలేదని, ఈడీ ఛార్జ్షీట్ను పరిగణనలోకి తీసుకోవద్దని వాద్రా తరఫు న్యాయవాది గతంలో వాదించారు.
హర్యానాలోని షికోపూర్ గ్రామంలో 3.53 ఎకరాల భూమిని మోసపూరితంగా కొనుగోలు చేసి, దాని ద్వారా వాద్రా నేరపూరిత ఆదాయాన్ని ఆర్జించారని ఈడీ ఆరోపిస్తోంది. వాద్రాకు చెందిన స్కైలైట్ హాస్పిటాలిటీ ప్రైవేట్ లిమిటెడ్ అనే సంస్థ, అతి తక్కువ మూలధనంతో 2008లో రూ. 7.50 కోట్లకు ఈ భూమిని కొనుగోలు చేసిందని ఈడీ పేర్కొంది. ఈ లావాదేవీలో అసలు చెల్లింపులే జరగలేదని, నకిలీ చెక్కు వివరాలను దస్తావేజుల్లో పొందుపరిచారని ఆరోపించింది.
ఈ కేసులో మొత్తం రూ. 58 కోట్లను నేరపూరిత ఆదాయంగా గుర్తించినట్లు ఈడీ తెలిపింది. ఇందులో భాగంగా వాద్రా, ఆయన కంపెనీలకు చెందిన రూ. 38.69 కోట్ల విలువైన 43 స్థిరాస్తులను ఇప్పటికే తాత్కాలికంగా జప్తు చేసింది. ఈ కేసులో నిందితులకు గరిష్ఠంగా ఏడేళ్ల కఠిన కారాగార శిక్ష విధించాలని, జప్తు చేసిన ఆస్తులను స్వాధీనం చేసుకోవాలని ఈడీ కోర్టును అభ్యర్థించింది. 2012లో సీనియర్ ఐఏఎస్ అధికారి అశోక్ ఖేమ్కా ఈ భూ ఒప్పందాన్ని రద్దు చేయడం అప్పట్లో సంచలనం సృష్టించిన విషయం తెలిసిందే.
2008 నాటి ఈ భూ ఒప్పందం కేసులో మనీలాండరింగ్ నిరోధక చట్టం (పీఎంఎల్ఏ) కింద ఈడీ ఛార్జ్షీట్ దాఖలు చేసింది. ఏప్రిల్ 4న ఇరుపక్షాల వాదనలు విన్న కోర్టు, ఛార్జ్షీట్ను విచారణకు స్వీకరించాలా వద్దా అనే అంశంపై తీర్పును రిజర్వ్ చేసింది. తాజాగా ఛార్జ్షీట్ను పరిగణనలోకి తీసుకుంటూ నిందితులకు సమన్లు జారీ చేసింది. తనపై ఎలాంటి మనీలాండరింగ్ కేసు నమోదు కాలేదని, ఈడీ ఛార్జ్షీట్ను పరిగణనలోకి తీసుకోవద్దని వాద్రా తరఫు న్యాయవాది గతంలో వాదించారు.
హర్యానాలోని షికోపూర్ గ్రామంలో 3.53 ఎకరాల భూమిని మోసపూరితంగా కొనుగోలు చేసి, దాని ద్వారా వాద్రా నేరపూరిత ఆదాయాన్ని ఆర్జించారని ఈడీ ఆరోపిస్తోంది. వాద్రాకు చెందిన స్కైలైట్ హాస్పిటాలిటీ ప్రైవేట్ లిమిటెడ్ అనే సంస్థ, అతి తక్కువ మూలధనంతో 2008లో రూ. 7.50 కోట్లకు ఈ భూమిని కొనుగోలు చేసిందని ఈడీ పేర్కొంది. ఈ లావాదేవీలో అసలు చెల్లింపులే జరగలేదని, నకిలీ చెక్కు వివరాలను దస్తావేజుల్లో పొందుపరిచారని ఆరోపించింది.
ఈ కేసులో మొత్తం రూ. 58 కోట్లను నేరపూరిత ఆదాయంగా గుర్తించినట్లు ఈడీ తెలిపింది. ఇందులో భాగంగా వాద్రా, ఆయన కంపెనీలకు చెందిన రూ. 38.69 కోట్ల విలువైన 43 స్థిరాస్తులను ఇప్పటికే తాత్కాలికంగా జప్తు చేసింది. ఈ కేసులో నిందితులకు గరిష్ఠంగా ఏడేళ్ల కఠిన కారాగార శిక్ష విధించాలని, జప్తు చేసిన ఆస్తులను స్వాధీనం చేసుకోవాలని ఈడీ కోర్టును అభ్యర్థించింది. 2012లో సీనియర్ ఐఏఎస్ అధికారి అశోక్ ఖేమ్కా ఈ భూ ఒప్పందాన్ని రద్దు చేయడం అప్పట్లో సంచలనం సృష్టించిన విషయం తెలిసిందే.
