Raghurama Krishnam Raju: ఆకివీడు రామాలయం పునర్నిర్మాణానికి చందాలు ఆహ్వానిస్తున్న రఘురామ

ఆకివీడు పెదపేటలో ఉన్న శ్రీరాముని ఆలయ పునర్నిర్మాణ పనుల్లో భక్తులు భాగస్వాములు కావాలని ఆంధ్రప్రదేశ్ ఉప ముఖ్యమంత్రి రఘురామకృష్ణరాజు పిలుపునిచ్చారు. ఈ మేరకు ఆయన సోషల్ మీడియా వేదికగా ఒక ప్రకటన విడుదల చేశారు. ఆలయ అభివృద్ధికి భక్తులు తమ వంతు సహకారం అందించాలని కోరారు.

ఆలయ పునర్నిర్మాణం కోసం విరాళాలు ఇవ్వాలనుకునే భక్తులు కనీసం 100 రూపాయల నుంచి గరిష్టంగా 10 వేల రూపాయల వరకు అందించవచ్చని ఆయన తెలిపారు. ఈ విరాళాలను నేరుగా ఆలయ అభివృద్ధి సమితి బ్యాంకు ఖాతాకు జమ చేయవచ్చని సూచించారు.
విరాళాలు పంపేందుకు వీలుగా బ్యాంకు ఖాతా వివరాలను కూడా ఆయన పంచుకున్నారు. ఆసక్తి ఉన్నవారు ఫోన్ పే, గూగుల్ పే వంటి యాప్‌ల ద్వారా క్యూఆర్ కోడ్ స్కాన్ చేసి కూడా తమ విరాళాలను పంపవచ్చని ప్రకటనలో పేర్కొన్నారు.

విరాళాల కోసం బ్యాంకు ఖాతా వివరాలు:
అకౌంట్ పేరు: శ్రీరామ ఆలయ అభివృద్ధి సమితి, ఆకివీడు 
ఖాతా నంబర్: 120039562348 
IFSC కోడ్: CNRB0002775 
బ్యాంకు: కెనరా బ్యాంక్, ఆకివీడు బ్రాంచ్

ఇటీవల శ్రీరామనవమి సందర్భంగా ఆకివీడు రామాలయం వద్ద రఘురామపై ఓ వర్గం దాడికి యత్నించడం తీవ్ర కలకలం రేపింది. అయినప్పటికీ, ఆలయ పునర్ నిర్మాణానికి రఘురామ చొరవ చూపుతుండడం పట్ల ప్రజలు అభినందనలు తెలుపుతున్నారు.