Prem Singh: తల్లి చనిపోయినా బతికే ఉందని నమ్మించి ఏడేళ్లుగా పెన్షన్ స్వాహా.. కొడుకు ఘరానా మోసం
ఉత్తరప్రదేశ్లోని మీరట్లో దారుణమైన మోసం వెలుగులోకి వచ్చింది. చనిపోయిన తల్లి ఇంకా బతికే ఉందని నమ్మించి, ఏడేళ్లుగా ఆమె పెన్షన్ను కాజేసిన కొడుకుపై కేసు నమోదైంది. ఈ వ్యవహారంలో నిందితుడు సుమారు రూ. 44 లక్షలు స్వాహా చేసినట్లు అధికారులు గుర్తించారు.
వివరాల్లోకి వెళితే, స్వాతంత్ర్య సమరయోధుడి భార్య అయిన శాంతి దేవి 2018 డిసెంబర్ 9న మరణించారు. అయితే ఆమె కుమారుడు ప్రేమ్ సింగ్, తన తల్లి బతికే ఉన్నట్లు నకిలీ పత్రాలు సృష్టించాడు. ఫేక్ లైఫ్ సర్టిఫికెట్లను బ్యాంకులో సమర్పించి, ఆమెకు వచ్చే స్వాతంత్ర్య సమరయోధుల, డిఫెన్స్ పెన్షన్ను కొనసాగేలా చేశాడు. స్టేట్ బ్యాంక్ ఆఫ్ ఇండియాలోని సకౌటి తాండా బ్రాంచ్ ఖాతా నుంచి ఏటీఎం, యూపీఐ ద్వారా మొత్తం రూ. 44,38,096 విత్డ్రా చేశాడు.
ఈ మోసం 2025 అక్టోబర్ 8న సర్ధానా సబ్-డివిజనల్ మేజిస్ట్రేట్కు అందిన ఒక ఫిర్యాదుతో బయటపడింది. దీంతో అప్రమత్తమైన బ్యాంకు అధికారులు ఖాతాను పరిశీలించగా, అక్రమాలు వెలుగు చూశాయి. అనంతరం బ్యాంకు మేనేజర్ 2025 నవంబర్ 27న దౌరాలా పోలీస్ స్టేషన్లో ఫిర్యాదు చేశారు. పోలీసులు తొలుత చర్యలు తీసుకోకపోవడంతో ఫిర్యాదుదారు కోర్టును ఆశ్రయించారు. కోర్టు ఆదేశాల మేరకు బుధవారం ప్రేమ్ సింగ్తో పాటు అతనికి సహకరించిన వ్యక్తులపై మోసం, ఫోర్జరీ, కుట్ర వంటి సెక్షన్ల కింద పోలీసులు ఎఫ్ఐఆర్ నమోదు చేశారు.
ఈ కేసుపై దౌరాలా ఇన్స్పెక్టర్ సుమన్ కుమార్ సింగ్ మాట్లాడుతూ, "పత్రాలను ధృవీకరిస్తున్నాం. తదుపరి చట్టపరమైన చర్యలు తీసుకుంటాం" అని తెలిపారు. స్థానికులు కూడా శాంతి దేవి మరణ తేదీని ధృవీకరించినట్లు పోలీసులు చెప్పారు. ప్రస్తుతం ఈ ఘటనపై దర్యాప్తు కొనసాగుతోంది.
వివరాల్లోకి వెళితే, స్వాతంత్ర్య సమరయోధుడి భార్య అయిన శాంతి దేవి 2018 డిసెంబర్ 9న మరణించారు. అయితే ఆమె కుమారుడు ప్రేమ్ సింగ్, తన తల్లి బతికే ఉన్నట్లు నకిలీ పత్రాలు సృష్టించాడు. ఫేక్ లైఫ్ సర్టిఫికెట్లను బ్యాంకులో సమర్పించి, ఆమెకు వచ్చే స్వాతంత్ర్య సమరయోధుల, డిఫెన్స్ పెన్షన్ను కొనసాగేలా చేశాడు. స్టేట్ బ్యాంక్ ఆఫ్ ఇండియాలోని సకౌటి తాండా బ్రాంచ్ ఖాతా నుంచి ఏటీఎం, యూపీఐ ద్వారా మొత్తం రూ. 44,38,096 విత్డ్రా చేశాడు.
ఈ మోసం 2025 అక్టోబర్ 8న సర్ధానా సబ్-డివిజనల్ మేజిస్ట్రేట్కు అందిన ఒక ఫిర్యాదుతో బయటపడింది. దీంతో అప్రమత్తమైన బ్యాంకు అధికారులు ఖాతాను పరిశీలించగా, అక్రమాలు వెలుగు చూశాయి. అనంతరం బ్యాంకు మేనేజర్ 2025 నవంబర్ 27న దౌరాలా పోలీస్ స్టేషన్లో ఫిర్యాదు చేశారు. పోలీసులు తొలుత చర్యలు తీసుకోకపోవడంతో ఫిర్యాదుదారు కోర్టును ఆశ్రయించారు. కోర్టు ఆదేశాల మేరకు బుధవారం ప్రేమ్ సింగ్తో పాటు అతనికి సహకరించిన వ్యక్తులపై మోసం, ఫోర్జరీ, కుట్ర వంటి సెక్షన్ల కింద పోలీసులు ఎఫ్ఐఆర్ నమోదు చేశారు.
ఈ కేసుపై దౌరాలా ఇన్స్పెక్టర్ సుమన్ కుమార్ సింగ్ మాట్లాడుతూ, "పత్రాలను ధృవీకరిస్తున్నాం. తదుపరి చట్టపరమైన చర్యలు తీసుకుంటాం" అని తెలిపారు. స్థానికులు కూడా శాంతి దేవి మరణ తేదీని ధృవీకరించినట్లు పోలీసులు చెప్పారు. ప్రస్తుతం ఈ ఘటనపై దర్యాప్తు కొనసాగుతోంది.
