పాక్ కెప్టెన్ బాటిల్ విసిరింది కోచ్పైనేనా? మైక్ హెస్సన్ క్లారిటీ!
టీ20 ప్రపంచకప్లో పాకిస్థాన్ జట్టులో అంతర్గత విభేదాలు ఉన్నాయంటూ వస్తున్న వార్తలకు ఆ జట్టు హెడ్ కోచ్ మైక్ హెస్సన్ ఫుల్స్టాప్ పెట్టారు. నమీబియాతో మ్యాచ్ సందర్భంగా కెప్టెన్ సల్మాన్ అలీ అఘా ఆగ్రహంతో వాటర్ బాటిల్ విసిరిన వీడియో సోషల్ మీడియాలో వైరల్ కావడంపై ఆయన స్పష్టతనిచ్చారు.
ఆ వీడియోను తాను కూడా చూశానని, కానీ దాన్ని తప్పుగా అర్థం చేసుకున్నారని హెస్సన్ తెలిపారు. "త్వరగా ఔటైనందుకు సల్మాన్ తనపై తానే కోపంతో బాటిల్ను నేలకు విసిరేశాడు. ఆ కోపం నాపై కాదు. ఆ సమయంలో మేమిద్దరం వ్యూహాల గురించే మాట్లాడుకుంటున్నాం" అని ఆయన వివరించారు.
ఇదిలా ఉండగా, సూపర్-8లో భాగంగా పాకిస్థాన్ నేడు కొలంబో వేదికగా న్యూజిలాండ్తో కీలక మ్యాచ్ ఆడనుంది. టీ20 ప్రపంచకప్ చరిత్రలో ఈ రెండు జట్ల మధ్య జరిగిన 7 మ్యాచ్ల్లో పాక్ 5 విజయాలు సాధించగా, కివీస్ రెండింటిలో గెలిచింది. 2016 నుంచి ప్రపంచకప్లో పాక్పై న్యూజిలాండ్ గెలవలేకపోయింది.
అయితే, న్యూజిలాండ్ బ్యాటర్ మార్క్ చాంప్మన్ రూపంలో పాకిస్థాన్కు గట్టి ముప్పు పొంచి ఉంది. పాక్పై అతడికి అద్భుతమైన రికార్డు ఉంది. ఇప్పటివరకు 25 టీ20ల్లో 41.43 సగటుతో ఒక సెంచరీ, నాలుగు అర్ధ సెంచరీలతో 663 పరుగులు చేశాడు. సూపర్-8 గ్రూప్-2లో సెమీఫైనల్ ఆశలు సజీవంగా ఉంచుకోవాలంటే ఈ మ్యాచ్లో గెలుపు ఇరు జట్లకు అత్యంత కీలకం. కాగా, ఈ మ్యాచ్కు వర్షం ముప్పు ఉండటం అభిమానులను ఆందోళనకు గురిచేస్తోంది.
ఆ వీడియోను తాను కూడా చూశానని, కానీ దాన్ని తప్పుగా అర్థం చేసుకున్నారని హెస్సన్ తెలిపారు. "త్వరగా ఔటైనందుకు సల్మాన్ తనపై తానే కోపంతో బాటిల్ను నేలకు విసిరేశాడు. ఆ కోపం నాపై కాదు. ఆ సమయంలో మేమిద్దరం వ్యూహాల గురించే మాట్లాడుకుంటున్నాం" అని ఆయన వివరించారు.
ఇదిలా ఉండగా, సూపర్-8లో భాగంగా పాకిస్థాన్ నేడు కొలంబో వేదికగా న్యూజిలాండ్తో కీలక మ్యాచ్ ఆడనుంది. టీ20 ప్రపంచకప్ చరిత్రలో ఈ రెండు జట్ల మధ్య జరిగిన 7 మ్యాచ్ల్లో పాక్ 5 విజయాలు సాధించగా, కివీస్ రెండింటిలో గెలిచింది. 2016 నుంచి ప్రపంచకప్లో పాక్పై న్యూజిలాండ్ గెలవలేకపోయింది.
అయితే, న్యూజిలాండ్ బ్యాటర్ మార్క్ చాంప్మన్ రూపంలో పాకిస్థాన్కు గట్టి ముప్పు పొంచి ఉంది. పాక్పై అతడికి అద్భుతమైన రికార్డు ఉంది. ఇప్పటివరకు 25 టీ20ల్లో 41.43 సగటుతో ఒక సెంచరీ, నాలుగు అర్ధ సెంచరీలతో 663 పరుగులు చేశాడు. సూపర్-8 గ్రూప్-2లో సెమీఫైనల్ ఆశలు సజీవంగా ఉంచుకోవాలంటే ఈ మ్యాచ్లో గెలుపు ఇరు జట్లకు అత్యంత కీలకం. కాగా, ఈ మ్యాచ్కు వర్షం ముప్పు ఉండటం అభిమానులను ఆందోళనకు గురిచేస్తోంది.
