Stock Markets: తగ్గిన జోరు... ఫ్లాట్గా ముగిసిన స్టాక్ మార్కెట్లు
దేశీయ స్టాక్ మార్కెట్లలో రెండు రోజుల లాభాలకు బుధవారం బ్రేక్ పడింది. ఐటీ రంగ షేర్లలో భారీ అమ్మకాల ఒత్తిడి నెలకొనడంతో సూచీలు దాదాపు ఫ్లాట్గా ముగిశాయి. ట్రేడింగ్ ముగిసే సమయానికి, సెన్సెక్స్ 78.56 పాయింట్ల స్వల్ప లాభంతో 83,817.69 వద్ద, నిఫ్టీ 48.45 పాయింట్లు పెరిగి 25,776.00 వద్ద స్థిరపడ్డాయి.
కృత్రిమ మేధ (ఏఐ) టెక్నాలజీలో వేగంగా వస్తున్న పురోగతిపై నెలకొన్న కొత్త ఆందోళనలు పెట్టుబడిదారుల సెంటిమెంట్ను దెబ్బతీశాయి. ఏఐ స్టార్టప్ ఆంథ్రోపిక్ న్యాయవాదుల కోసం ఒక కొత్త టూల్ను ప్రారంభించడమే ఇందుకు కారణం. ఇలాంటి ఏఐ టూల్స్ వేగంగా అభివృద్ధి చెందడం వల్ల సంప్రదాయ సాఫ్ట్వేర్ సేవలకు డిమాండ్ తగ్గి, ఐటీ పరిశ్రమ లాభదాయకత దెబ్బతినవచ్చని ఇన్వెస్టర్లు ఆందోళన చెందుతున్నారు. ఈ ప్రభావంతోనే నిఫ్టీ ఐటీ ఇండెక్స్ ఏకంగా 6 శాతం కుప్పకూలింది.
సెన్సెక్స్ స్టాక్స్లో ఇన్ఫోసిస్, టీసీఎస్, హెచ్సీఎల్టెక్, టెక్ మహీంద్రా షేర్లు ప్రధాన నష్టాల్లో ముగిశాయి. యాక్సిస్ బ్యాంక్, కోటక్ మహీంద్రా బ్యాంక్ షేర్లు కూడా నష్టపోయాయి. మరోవైపు, ఎటర్నల్, ట్రెంట్, ఎన్టీపీసీ, పవర్ గ్రిడ్, అదానీ పోర్ట్స్ షేర్లు లాభపడ్డాయి. రంగాల వారీగా చూస్తే, ఐటీతో పాటు ఫార్మా ఇండెక్స్ కూడా 0.34 శాతం నష్టపోయింది. అయితే, నిఫ్టీ కన్స్యూమర్ డ్యూరబుల్స్ ఇండెక్స్ 2.6 శాతం, ఆయిల్ అండ్ గ్యాస్ ఇండెక్స్ 2 శాతం పెరిగి మార్కెట్లకు మద్దతునిచ్చాయి.
ప్రధాన సూచీలు ఫ్లాట్గా ఉన్నప్పటికీ, బ్రాడర్ మార్కెట్లో సానుకూల వాతావరణం కనిపించింది. నిఫ్టీ మిడ్క్యాప్ ఇండెక్స్ 0.63 శాతం, స్మాల్క్యాప్ ఇండెక్స్ 1.27 శాతం లాభపడ్డాయి. నిపుణుల ప్రకారం, నిఫ్టీ రోజంతా 25,680 - 25,820 మధ్య పరిమిత శ్రేణిలో కదలాడింది. 25,800 స్థాయిని దాటితేనే సూచీలో మరింత సానుకూలత రావచ్చని విశ్లేషకులు భావిస్తున్నారు.
కృత్రిమ మేధ (ఏఐ) టెక్నాలజీలో వేగంగా వస్తున్న పురోగతిపై నెలకొన్న కొత్త ఆందోళనలు పెట్టుబడిదారుల సెంటిమెంట్ను దెబ్బతీశాయి. ఏఐ స్టార్టప్ ఆంథ్రోపిక్ న్యాయవాదుల కోసం ఒక కొత్త టూల్ను ప్రారంభించడమే ఇందుకు కారణం. ఇలాంటి ఏఐ టూల్స్ వేగంగా అభివృద్ధి చెందడం వల్ల సంప్రదాయ సాఫ్ట్వేర్ సేవలకు డిమాండ్ తగ్గి, ఐటీ పరిశ్రమ లాభదాయకత దెబ్బతినవచ్చని ఇన్వెస్టర్లు ఆందోళన చెందుతున్నారు. ఈ ప్రభావంతోనే నిఫ్టీ ఐటీ ఇండెక్స్ ఏకంగా 6 శాతం కుప్పకూలింది.
సెన్సెక్స్ స్టాక్స్లో ఇన్ఫోసిస్, టీసీఎస్, హెచ్సీఎల్టెక్, టెక్ మహీంద్రా షేర్లు ప్రధాన నష్టాల్లో ముగిశాయి. యాక్సిస్ బ్యాంక్, కోటక్ మహీంద్రా బ్యాంక్ షేర్లు కూడా నష్టపోయాయి. మరోవైపు, ఎటర్నల్, ట్రెంట్, ఎన్టీపీసీ, పవర్ గ్రిడ్, అదానీ పోర్ట్స్ షేర్లు లాభపడ్డాయి. రంగాల వారీగా చూస్తే, ఐటీతో పాటు ఫార్మా ఇండెక్స్ కూడా 0.34 శాతం నష్టపోయింది. అయితే, నిఫ్టీ కన్స్యూమర్ డ్యూరబుల్స్ ఇండెక్స్ 2.6 శాతం, ఆయిల్ అండ్ గ్యాస్ ఇండెక్స్ 2 శాతం పెరిగి మార్కెట్లకు మద్దతునిచ్చాయి.
ప్రధాన సూచీలు ఫ్లాట్గా ఉన్నప్పటికీ, బ్రాడర్ మార్కెట్లో సానుకూల వాతావరణం కనిపించింది. నిఫ్టీ మిడ్క్యాప్ ఇండెక్స్ 0.63 శాతం, స్మాల్క్యాప్ ఇండెక్స్ 1.27 శాతం లాభపడ్డాయి. నిపుణుల ప్రకారం, నిఫ్టీ రోజంతా 25,680 - 25,820 మధ్య పరిమిత శ్రేణిలో కదలాడింది. 25,800 స్థాయిని దాటితేనే సూచీలో మరింత సానుకూలత రావచ్చని విశ్లేషకులు భావిస్తున్నారు.
