అమ్మా.. నీ ఆశీర్వాదమే నా బలం: చిరంజీవి ఎమోషనల్ పోస్ట్

మెగాస్టార్ చిరంజీవికి తన తల్లి అంజనా దేవి అంటే ఎంత ప్రేమో ప్రత్యేకంగా చెప్పనవసరం లేదు. ప్రతీ సందర్భంలోనూ అమ్మపై తనకున్న అభిమానాన్ని ఆయన చాటుకుంటూనే ఉంటారు. ఈరోజు తన తల్లి పుట్టినరోజు సందర్భంగా చిరంజీవి సోషల్ మీడియా వేదికగా ఆమెకు ప్రేమపూర్వక శుభాకాంక్షలు తెలియజేశారు. ఈ మేరకు ఆయన పెట్టిన భావోద్వేగ పోస్ట్ అందరినీ ఆకట్టుకుంటోంది.

"అమ్మా.. నీ ఆశీర్వాదమే నా బలం. పుట్టినరోజు శుభాకాంక్షలు" అంటూ చిరంజీవి 'ఎక్స్' (ట్విట్టర్) ఖాతాలో పోస్ట్ చేశారు. ఈ సందేశంతో పాటు ఒక ప్రత్యేకమైన వీడియోను కూడా అభిమానులతో పంచుకున్నారు. మెగా ఫ్యామిలీ సభ్యులందరితో అంజనా దేవి గడిపిన అరుదైన, మధురమైన క్షణాలతో ఈ వీడియోను రూపొందించారు. కుటుంబ వేడుకలు, పండుగల్లోని ఫొటోలు, పాత జ్ఞాపకాలతో కూడిన ఈ వీడియో మెగా అభిమానులను ఎంతగానో ఆకట్టుకుంటోంది.

ఈ పోస్ట్ చూసిన అభిమానులు, నెటిజన్లు అంజనా దేవికి పుట్టినరోజు శుభాకాంక్షలు తెలుపుతూ కామెంట్లు పెడుతున్నారు. ప్రస్తుతం ఈ వీడియో సోషల్ మీడియాలో వైరల్ అవుతోంది.