బంగ్లాదేశ్లో మరో దారుణం.. హిందూ ఆటో డ్రైవర్ దారుణ హత్య
- ఫెనీ జిల్లాలోని పంట పొలాల్లో లభ్యమైన మృతదేహం
- ఆటో రిక్షా అపహరణ.. దోపిడీ కోసమే హత్య అని అనుమానం
- 24 రోజుల్లో మైనారిటీలపై ఇది 9వ దాడిగా గుర్తింపు
- హిందువులపై దాడుల పట్ల భారత్ తీవ్ర ఆందోళన
బంగ్లాదేశ్లో హిందూ మైనారిటీలపై దాడులు కొనసాగుతున్నాయి. తాజాగా ఫెనీ జిల్లాలో సమీర్ దాస్ (27) అనే హిందూ ఆటో డ్రైవర్ను దుండగులు అత్యంత కిరాతకంగా నరికి చంపారు. దగన్భుయాన్ ఉపజిల్లాలోని జగత్పూర్ గ్రామ సమీపంలోని పంట పొలాల్లో సోమవారం ఉదయం ఆయన మృతదేహం రక్తపు మడుగులో లభ్యమైంది.
స్థానిక మీడియా కథనాల ప్రకారం ఆదివారం సాయంత్రం సమీర్ దాస్ తన ఆటో రిక్షాతో ఇంటి నుంచి బయటకు వెళ్లాడు. రాత్రయినా తిరిగి రాకపోవడంతో కుటుంబ సభ్యులు ఆందోళనకు గురయ్యారు. సోమవారం ఉదయం పొలాల్లో మృతదేహాన్ని చూసిన స్థానికులు పోలీసులకు సమాచారం ఇచ్చారు. సమీర్ను నిర్మానుష్య ప్రాంతానికి తీసుకెళ్లి కత్తులతో పొడిచి చంపినట్లు తెలుస్తోంది. ఆయన ఆటో రిక్షా కూడా కనిపించకుండా పోవడంతో వాహనం కోసమే ఈ హత్య జరిగి ఉండొచ్చని పోలీసులు ప్రాథమికంగా భావిస్తున్నారు.
గత 24 రోజుల వ్యవధిలోనే బంగ్లాదేశ్లో హిందూ సమాజంపై ఇది 9వ దాడి కావడం తీవ్ర ఆందోళన కలిగిస్తోంది. మైనారిటీల భద్రత ప్రశ్నార్థకంగా మారిందనడానికి ఈ వరుస ఘటనలే నిదర్శనమని పలువురు ఆవేదన వ్యక్తం చేస్తున్నారు. మృతదేహాన్ని పోస్టుమార్టం కోసం ఫెనీ జనరల్ ఆసుపత్రికి తరలించామని, నిందితుల కోసం గాలిస్తున్నామని దగన్భుయాన్ పోలీస్ స్టేషన్ అధికారి మహమ్మద్ ఫైజుల్ అజీమ్ నోమన్ తెలిపారు.
బంగ్లాదేశ్లో హిందువులను లక్ష్యంగా చేసుకుని జరుగుతున్న దాడులపై భారత ప్రభుత్వం ఇప్పటికే తీవ్ర ఆందోళన వ్యక్తం చేసింది. మైనారిటీల భద్రతకు కఠిన చర్యలు తీసుకోవాలని బంగ్లా ప్రభుత్వాన్ని కోరినట్లు గతంలోనే స్పష్టం చేసింది.
స్థానిక మీడియా కథనాల ప్రకారం ఆదివారం సాయంత్రం సమీర్ దాస్ తన ఆటో రిక్షాతో ఇంటి నుంచి బయటకు వెళ్లాడు. రాత్రయినా తిరిగి రాకపోవడంతో కుటుంబ సభ్యులు ఆందోళనకు గురయ్యారు. సోమవారం ఉదయం పొలాల్లో మృతదేహాన్ని చూసిన స్థానికులు పోలీసులకు సమాచారం ఇచ్చారు. సమీర్ను నిర్మానుష్య ప్రాంతానికి తీసుకెళ్లి కత్తులతో పొడిచి చంపినట్లు తెలుస్తోంది. ఆయన ఆటో రిక్షా కూడా కనిపించకుండా పోవడంతో వాహనం కోసమే ఈ హత్య జరిగి ఉండొచ్చని పోలీసులు ప్రాథమికంగా భావిస్తున్నారు.
గత 24 రోజుల వ్యవధిలోనే బంగ్లాదేశ్లో హిందూ సమాజంపై ఇది 9వ దాడి కావడం తీవ్ర ఆందోళన కలిగిస్తోంది. మైనారిటీల భద్రత ప్రశ్నార్థకంగా మారిందనడానికి ఈ వరుస ఘటనలే నిదర్శనమని పలువురు ఆవేదన వ్యక్తం చేస్తున్నారు. మృతదేహాన్ని పోస్టుమార్టం కోసం ఫెనీ జనరల్ ఆసుపత్రికి తరలించామని, నిందితుల కోసం గాలిస్తున్నామని దగన్భుయాన్ పోలీస్ స్టేషన్ అధికారి మహమ్మద్ ఫైజుల్ అజీమ్ నోమన్ తెలిపారు.
బంగ్లాదేశ్లో హిందువులను లక్ష్యంగా చేసుకుని జరుగుతున్న దాడులపై భారత ప్రభుత్వం ఇప్పటికే తీవ్ర ఆందోళన వ్యక్తం చేసింది. మైనారిటీల భద్రతకు కఠిన చర్యలు తీసుకోవాలని బంగ్లా ప్రభుత్వాన్ని కోరినట్లు గతంలోనే స్పష్టం చేసింది.