Sunny Leone: సాధువుల దెబ్బకు సన్నీ లియోన్ కార్యక్రమం రద్దు!
శ్రీకృష్ణుడి జన్మస్థలమైన మధురలో నూతన సంవత్సర వేడుకల సందర్భంగా ఏర్పాటు చేసిన బాలీవుడ్ నటి సన్నీ లియోన్ కార్యక్రమం రద్దయింది. స్థానిక సాధువులు, ఆధ్యాత్మిక సంఘాల నుంచి తీవ్ర నిరసనలు వ్యక్తమవడంతో నిర్వాహకులు ఈ ఈవెంట్ను రద్దు చేసుకుంటున్నట్లు ప్రకటించారు. మధురలోని ఓ ప్రైవేట్ హోటల్లో జనవరి 1న ఈ మెగా ఈవెంట్ నిర్వహించేందుకు ఏర్పాట్లు జరిగాయి.
వివరాల్లోకి వెళితే... మధురలోని ఓ ప్రముఖ హోటల్ నూతన సంవత్సర వేడుకల్లో భాగంగా సన్నీ లియోన్తో డీజే నైట్ ఏర్పాటు చేసింది. దీనికి సంబంధించి టికెట్ల అమ్మకాలు కూడా జరిగాయి. అయితే, పవిత్రమైన గడ్డపై ఇటువంటి కార్యక్రమాలు నిర్వహించడంపై స్థానిక సాధువులు, హిందూ సంఘాలు తీవ్ర అభ్యంతరం వ్యక్తం చేశాయి. భజనలు, కీర్తనలు, ప్రవచనాలు సాగాల్సిన చోట అశ్లీలతను ప్రోత్సహించే డీజే పార్టీలు సరికాదని వారు మండిపడ్డారు. ఈ మేరకు శ్రీకృష్ణ జన్మభూమి సంఘర్ష్ న్యాస్ సహా పలు ధార్మిక సంస్థలు జిల్లా కలెక్టర్కు ఫిర్యాదు చేశాయి.
కార్యక్రమాన్ని రద్దు చేయకపోతే సన్నీ లియోన్తో పాటు నిర్వాహకులపై చట్టపరమైన చర్యలు తీసుకుంటామని సాధువులు హెచ్చరించారు. వివాదం ముదురుతుండటంతో హోటల్ యాజమాన్యం దిగివచ్చింది. తమకు అన్ని అనుమతులు ఉన్నప్పటికీ, సాధువుల మనోభావాలను, సంప్రదాయాలను గౌరవిస్తూ ఈవెంట్ను రద్దు చేస్తున్నట్లు హోటల్ యజమాని మితుల్ పాఠక్ వెల్లడించారు. సన్నీ లియోన్ను కేవలం ఆర్టిస్ట్గానే ఆహ్వానించామని, కానీ స్థానిక ఆచారాల దృష్ట్యా ఈ నిర్ణయం తీసుకున్నామని తెలిపారు. ఈ నిర్ణయంపై స్థానిక ఆధ్యాత్మిక వేత్తలు హర్షం వ్యక్తం చేశారు.
వివరాల్లోకి వెళితే... మధురలోని ఓ ప్రముఖ హోటల్ నూతన సంవత్సర వేడుకల్లో భాగంగా సన్నీ లియోన్తో డీజే నైట్ ఏర్పాటు చేసింది. దీనికి సంబంధించి టికెట్ల అమ్మకాలు కూడా జరిగాయి. అయితే, పవిత్రమైన గడ్డపై ఇటువంటి కార్యక్రమాలు నిర్వహించడంపై స్థానిక సాధువులు, హిందూ సంఘాలు తీవ్ర అభ్యంతరం వ్యక్తం చేశాయి. భజనలు, కీర్తనలు, ప్రవచనాలు సాగాల్సిన చోట అశ్లీలతను ప్రోత్సహించే డీజే పార్టీలు సరికాదని వారు మండిపడ్డారు. ఈ మేరకు శ్రీకృష్ణ జన్మభూమి సంఘర్ష్ న్యాస్ సహా పలు ధార్మిక సంస్థలు జిల్లా కలెక్టర్కు ఫిర్యాదు చేశాయి.
కార్యక్రమాన్ని రద్దు చేయకపోతే సన్నీ లియోన్తో పాటు నిర్వాహకులపై చట్టపరమైన చర్యలు తీసుకుంటామని సాధువులు హెచ్చరించారు. వివాదం ముదురుతుండటంతో హోటల్ యాజమాన్యం దిగివచ్చింది. తమకు అన్ని అనుమతులు ఉన్నప్పటికీ, సాధువుల మనోభావాలను, సంప్రదాయాలను గౌరవిస్తూ ఈవెంట్ను రద్దు చేస్తున్నట్లు హోటల్ యజమాని మితుల్ పాఠక్ వెల్లడించారు. సన్నీ లియోన్ను కేవలం ఆర్టిస్ట్గానే ఆహ్వానించామని, కానీ స్థానిక ఆచారాల దృష్ట్యా ఈ నిర్ణయం తీసుకున్నామని తెలిపారు. ఈ నిర్ణయంపై స్థానిక ఆధ్యాత్మిక వేత్తలు హర్షం వ్యక్తం చేశారు.