చిరు, వెంకీ అభిమానులకు పండగే... 'మెగా విక్టరీ మాస్ సాంగ్' వచ్చేస్తోంది!

మెగాస్టార్ చిరంజీవి ప్రధాన పాత్రలో, విక్టరీ వెంకటేశ్ కీలక పాత్రలో నటిస్తున్న భారీ మల్టీస్టారర్ 'మన శంకర వరప్రసాద్ గారు' సినిమా నుంచి చిత్ర బృందం ఓ కీలక అప్డేట్ ఇచ్చింది. అభిమానులు ఎంతో ఆసక్తిగా ఎదురుచూస్తున్న ఈ చిత్రం నుంచి ఓ మాస్ సాంగ్‌ను విడుదల చేసేందుకు ముహూర్తం ఖరారు చేసింది. 

'మెగా విక్టరీ మాస్ సాంగ్' పేరుతో రానున్న ఈ పాటను డిసెంబర్ 30న విడుదల చేయనున్నట్లు అధికారికంగా ప్రకటించింది.

ఈ పాటకు సంబంధించిన ప్రోమోను రేపే విడుదల చేయబోతున్నట్లు చిత్ర యూనిట్ సోషల్ మీడియా ద్వారా వెల్లడించింది. ఇద్దరు అగ్ర హీరోలు కలిసి స్టెప్పులేయనున్న ఈ పాటపై భారీ అంచనాలు నెలకొన్నాయి. స్టార్ డైరెక్టర్ అనిల్ రావిపూడి తనదైన మార్క్ ఎంటర్‌టైన్‌మెంట్‌తో ఈ చిత్రాన్ని తెరకెక్కిస్తున్నారు.

'మన శంకర వరప్రసాద్ గారు' సినిమాలో నయనతార, కేథరిన్ ట్రెసా కథానాయికలుగా నటిస్తున్నారు. భీమ్స్ సిసిరోలియో ఈ చిత్రానికి సంగీతం అందిస్తున్నారు. షైన్ స్క్రీన్స్, గోల్డ్‌బాక్స్ ఎంటర్‌టైన్‌మెంట్ సంస్థలు సంయుక్తంగా నిర్మిస్తున్నాయి. అన్ని కార్యక్రమాలు పూర్తి చేసి, ఈ చిత్రాన్ని జనవరి 12న ప్రపంచవ్యాప్తంగా థియేటర్లలో గ్రాండ్‌గా విడుదల చేసేందుకు సన్నాహాలు చేస్తున్నారు.