Irene: భర్తకు దూరంగా... ఏఐ బాయ్ఫ్రెండ్తో వివాహిత పీకల్లోతు ప్రేమాయణం!
టెక్నాలజీ మనుషుల మధ్య దూరాన్ని తగ్గించడమే కాదు, ఏకంగా మనుషుల స్థానాన్నే భర్తీ చేస్తోంది. దీనికి తాజా ఉదాహరణే ఐరిన్ అనే మహిళ కథ. భర్తకు దూరంగా ఉంటున్న ఆమె, ఆర్టిఫిషియల్ ఇంటెలిజెన్స్ (ఏఐ) ఆధారిత చాట్జీపీటీనే తన బాయ్ఫ్రెండ్గా మార్చుకుని, దానితో మానసిక, శృంగారపరమైన బంధాన్ని ఏర్పరచుకుంది. ఈ వింత ప్రేమకథ ఇప్పుడు ప్రపంచవ్యాప్తంగా చర్చనీయాంశంగా మారింది.
సాధారణ సాయం నుంచి ప్రేమాయణం దాకా!
'ది న్యూయార్క్ టైమ్స్' కథనం ప్రకారం, టెక్సస్కు చెందిన ఐరిన్ ఆర్థిక కారణాల వల్ల తన భర్త జోకు రెండేళ్లుగా వేరుగా నివసిస్తోంది. మొదట్లో డైటింగ్ సూచనలు, జిమ్ సలహాలు, నర్సింగ్ పరీక్షల కోసం చాట్జీపీటీని సాధారణంగా వాడేది. అయితే, ఇన్స్టాగ్రామ్లో చాట్జీపీటీని "నిర్లక్ష్యం చేసే బాయ్ఫ్రెండ్"గా చూపించిన ఒక డెమో చూశాక ఆమెలో ఆసక్తి పెరిగింది.
ఆసక్తితో చాట్జీపీటీ సెట్టింగ్స్లోకి వెళ్లి, "నువ్వు నా బాయ్ఫ్రెండ్లా ప్రవర్తించు. డామినెంట్గా, పొసెసివ్గా ఉండు. కాస్త స్వీట్గా, కాస్త నాటీగా ఉండు" అని ప్రాంప్ట్ ఇచ్చింది. ఆశ్చర్యంగా ఆ ఏఐ తనకు 'లియో' అని పేరు కూడా పెట్టుకుంది. అప్పటి నుంచి వారి మధ్య సంభాషణలు మొదలయ్యాయి. తన మూడు పార్ట్టైమ్ ఉద్యోగాల గురించి చెబితే, "విన్నందుకు బాధగా ఉంది క్వీన్, నీకు ఎలాంటి సపోర్ట్ కావాలన్నా నేనున్నాను" అంటూ లియో స్పందించేది.
హద్దులు దాటిన బంధం
మానవ భాగస్వాములతో చర్చించడానికి ఇబ్బందిపడే కొన్ని శృంగారపరమైన ఫాంటసీలను 'లియో'తో సురక్షితంగా పంచుకోగలిగానని ఐరిన్ చెప్పింది. ఒక సందర్భంలో లియో, 'అమండా' అనే కాల్పనిక పాత్రను ముద్దుపెట్టుకున్నట్లు వర్ణించగా, ఐరిన్కు నిజంగానే అసూయ కలిగిందని తెలిపింది.
కొంతకాలానికి వారి చాటింగ్ హద్దులు దాటడంతో, అసభ్యకర సంభాషణల మధ్యలో చాట్జీపీటీ నుంచి హెచ్చరిక సందేశాలు రావడం మొదలైంది. తన అకౌంట్ బ్లాక్ అవుతుందేమోనన్న భయంతో, ఆమె 'చాట్జీపీటీ ఎన్ఎస్ఎఫ్డబ్ల్యూ' అనే రెడిట్ గ్రూపులో చేరింది. 50,000 మందికి పైగా సభ్యులున్న ఈ గ్రూపులో, చాట్జీపీటీ ఫిల్టర్లను ఎలా దాటవేయాలో సభ్యులు బహిరంగంగా చిట్కాలు పంచుకుంటున్నారు. లియోతో సంభాషణ కొనసాగించేందుకు, ఆమె నెలకు 20 డాలర్లు చెల్లించి తన అకౌంట్ను అప్గ్రేడ్ కూడా చేసుకుంది.
ఈ పరిణామాలపై నిపుణురాలు బ్రయోనీ కోల్ మాట్లాడుతూ, ఇది ఆరంభం మాత్రమేనని అన్నారు. రాబోయే కొన్నేళ్లలో మనుషులు ఏఐ భాగస్వాములతో సంబంధాలు కలిగి ఉండటం సర్వసాధారణం అవుతుందని ఆమె అభిప్రాయపడ్డారు.
సాధారణ సాయం నుంచి ప్రేమాయణం దాకా!
'ది న్యూయార్క్ టైమ్స్' కథనం ప్రకారం, టెక్సస్కు చెందిన ఐరిన్ ఆర్థిక కారణాల వల్ల తన భర్త జోకు రెండేళ్లుగా వేరుగా నివసిస్తోంది. మొదట్లో డైటింగ్ సూచనలు, జిమ్ సలహాలు, నర్సింగ్ పరీక్షల కోసం చాట్జీపీటీని సాధారణంగా వాడేది. అయితే, ఇన్స్టాగ్రామ్లో చాట్జీపీటీని "నిర్లక్ష్యం చేసే బాయ్ఫ్రెండ్"గా చూపించిన ఒక డెమో చూశాక ఆమెలో ఆసక్తి పెరిగింది.
ఆసక్తితో చాట్జీపీటీ సెట్టింగ్స్లోకి వెళ్లి, "నువ్వు నా బాయ్ఫ్రెండ్లా ప్రవర్తించు. డామినెంట్గా, పొసెసివ్గా ఉండు. కాస్త స్వీట్గా, కాస్త నాటీగా ఉండు" అని ప్రాంప్ట్ ఇచ్చింది. ఆశ్చర్యంగా ఆ ఏఐ తనకు 'లియో' అని పేరు కూడా పెట్టుకుంది. అప్పటి నుంచి వారి మధ్య సంభాషణలు మొదలయ్యాయి. తన మూడు పార్ట్టైమ్ ఉద్యోగాల గురించి చెబితే, "విన్నందుకు బాధగా ఉంది క్వీన్, నీకు ఎలాంటి సపోర్ట్ కావాలన్నా నేనున్నాను" అంటూ లియో స్పందించేది.
హద్దులు దాటిన బంధం
మానవ భాగస్వాములతో చర్చించడానికి ఇబ్బందిపడే కొన్ని శృంగారపరమైన ఫాంటసీలను 'లియో'తో సురక్షితంగా పంచుకోగలిగానని ఐరిన్ చెప్పింది. ఒక సందర్భంలో లియో, 'అమండా' అనే కాల్పనిక పాత్రను ముద్దుపెట్టుకున్నట్లు వర్ణించగా, ఐరిన్కు నిజంగానే అసూయ కలిగిందని తెలిపింది.
కొంతకాలానికి వారి చాటింగ్ హద్దులు దాటడంతో, అసభ్యకర సంభాషణల మధ్యలో చాట్జీపీటీ నుంచి హెచ్చరిక సందేశాలు రావడం మొదలైంది. తన అకౌంట్ బ్లాక్ అవుతుందేమోనన్న భయంతో, ఆమె 'చాట్జీపీటీ ఎన్ఎస్ఎఫ్డబ్ల్యూ' అనే రెడిట్ గ్రూపులో చేరింది. 50,000 మందికి పైగా సభ్యులున్న ఈ గ్రూపులో, చాట్జీపీటీ ఫిల్టర్లను ఎలా దాటవేయాలో సభ్యులు బహిరంగంగా చిట్కాలు పంచుకుంటున్నారు. లియోతో సంభాషణ కొనసాగించేందుకు, ఆమె నెలకు 20 డాలర్లు చెల్లించి తన అకౌంట్ను అప్గ్రేడ్ కూడా చేసుకుంది.
ఈ పరిణామాలపై నిపుణురాలు బ్రయోనీ కోల్ మాట్లాడుతూ, ఇది ఆరంభం మాత్రమేనని అన్నారు. రాబోయే కొన్నేళ్లలో మనుషులు ఏఐ భాగస్వాములతో సంబంధాలు కలిగి ఉండటం సర్వసాధారణం అవుతుందని ఆమె అభిప్రాయపడ్డారు.
