రూ.4,215 కోట్ల స్కాం... ఫాల్కన్ కంపెనీ సీఓఓను అరెస్ట్ చేసిన తెలంగాణ సీఐడీ
రాష్ట్రవ్యాప్తంగా సంచలనం సృష్టించిన రూ.4,215 కోట్ల ఫాల్కన్ ఇన్వాయిస్ డిస్కౌంటింగ్ యాప్ స్కామ్లో తెలంగాణ సీఐడీ అధికారులు కీలక పురోగతి సాధించారు. ఈ కేసులో ప్రధాన నిందితుల్లో ఒకరైన ఫాల్కన్ గ్రూప్ చీఫ్ ఆపరేటింగ్ ఆఫీసర్ (సీఓఓ) ఆర్యన్ సింగ్ను అరెస్ట్ చేశారు. పంజాబ్లోని భటిండాలో జులై 4న అతడిని అదుపులోకి తీసుకున్న ప్రత్యేక బృందం, ట్రాన్సిట్ రిమాండ్పై ఆదివారం హైదరాబాద్కు తరలించింది. అనంతరం నిందితుడిని న్యాయమూర్తి ఎదుట హాజరుపరిచి జ్యుడీషియల్ రిమాండ్కు పంపినట్లు సీఐడీ అదనపు డీజీ చారు సిన్హా వెల్లడించారు.
మోసం చేసిందిలా...!
క్యాపిటల్ ప్రొటెక్షన్ ఫోర్స్ ప్రైవేట్ లిమిటెడ్ అనే సంస్థ ‘ఫాల్కన్ ఇన్వాయిస్ డిస్కౌంటింగ్’ పేరుతో ఒక మొబైల్ అప్లికేషన్ను సృష్టించింది. ప్రముఖ బహుళజాతి కంపెనీల (MNC) పేరుతో నకిలీ డీల్స్ సృష్టించి, స్వల్పకాలిక పెట్టుబడులపై అధిక వడ్డీ ఇస్తామంటూ సోషల్ మీడియా, టెలీకాలర్ల ద్వారా విపరీతంగా ప్రచారం చేశారు. దీనిని నమ్మిన అమాయక ప్రజల నుంచి భారీగా డిపాజిట్లు సేకరించారు.
ఈ స్కామ్ ద్వారా నిందితులు దేశవ్యాప్తంగా 7,056 మంది నుంచి సుమారు రూ.4,215 కోట్లు వసూలు చేశారు. వీరిలో 4,065 మంది బాధితులు రూ.792 కోట్లు నష్టపోయినట్లు సీఐడీ విచారణలో తేలింది. బాధితుల ఫిర్యాదుల మేరకు సైబరాబాద్ ఈఓడబ్ల్యూ పోలీస్ స్టేషన్లో మూడు కేసులు నమోదు కాగా, వాటిని తదుపరి దర్యాప్తు కోసం సీఐడీకి బదిలీ చేశారు. ఈ సంస్థపై దేశవ్యాప్తంగా మరో ఎనిమిది కేసులు నమోదయ్యాయి.
సీఓఓ ఆర్యన్ సింగ్ పాత్ర
ఈ కేసులో ఐదో నిందితుడిగా ఉన్న ఆర్యన్ సింగ్, కంపెనీ ఎండీ అమర్ దీప్ కుమార్తో కలిసి మోసాల్లో చురుకైన పాత్ర పోషించాడు. బాధితులతో నేరుగా మాట్లాడుతూ, నకిలీ రశీదులు ఇస్తూ ఈ స్కామ్కు ముఖచిత్రంలా వ్యవహరించాడు. ఇతను ఒక్కడే రూ.14.35 కోట్ల కీలక డిపాజిట్లను సేకరించినట్లు అధికారులు గుర్తించారు. అంతేకాకుండా, కంపెనీ నిధుల నుంచి రూ.1.62 కోట్లను తన సొంత ఖాతాకు మళ్లించుకున్నాడు.
నేరం బయటపడగానే ఆర్యన్ సింగ్ మొదట నాందేడ్కు, అక్కడి నుంచి పంజాబ్లోని భటిండాకు పారిపోయి ఒక గురుద్వారాలో తలదాచుకున్నాడు. పక్కా సమాచారంతో అక్కడికి వెళ్లిన సీఐడీ బృందం అతడిని అరెస్ట్ చేసి, రెండు సెల్ఫోన్లు, కీలక పత్రాలను స్వాధీనం చేసుకుంది. ఈ కేసులో ఇప్పటివరకు ఆర్యన్ సింగ్తో కలిపి మొత్తం 10 మందిని అరెస్ట్ చేశామని, పరారీలో ఉన్న మిగతా నిందితుల కోసం గాలింపు కొనసాగుతోందని సీఐడీ అధికారులు తెలిపారు.
మోసం చేసిందిలా...!
క్యాపిటల్ ప్రొటెక్షన్ ఫోర్స్ ప్రైవేట్ లిమిటెడ్ అనే సంస్థ ‘ఫాల్కన్ ఇన్వాయిస్ డిస్కౌంటింగ్’ పేరుతో ఒక మొబైల్ అప్లికేషన్ను సృష్టించింది. ప్రముఖ బహుళజాతి కంపెనీల (MNC) పేరుతో నకిలీ డీల్స్ సృష్టించి, స్వల్పకాలిక పెట్టుబడులపై అధిక వడ్డీ ఇస్తామంటూ సోషల్ మీడియా, టెలీకాలర్ల ద్వారా విపరీతంగా ప్రచారం చేశారు. దీనిని నమ్మిన అమాయక ప్రజల నుంచి భారీగా డిపాజిట్లు సేకరించారు.
ఈ స్కామ్ ద్వారా నిందితులు దేశవ్యాప్తంగా 7,056 మంది నుంచి సుమారు రూ.4,215 కోట్లు వసూలు చేశారు. వీరిలో 4,065 మంది బాధితులు రూ.792 కోట్లు నష్టపోయినట్లు సీఐడీ విచారణలో తేలింది. బాధితుల ఫిర్యాదుల మేరకు సైబరాబాద్ ఈఓడబ్ల్యూ పోలీస్ స్టేషన్లో మూడు కేసులు నమోదు కాగా, వాటిని తదుపరి దర్యాప్తు కోసం సీఐడీకి బదిలీ చేశారు. ఈ సంస్థపై దేశవ్యాప్తంగా మరో ఎనిమిది కేసులు నమోదయ్యాయి.
సీఓఓ ఆర్యన్ సింగ్ పాత్ర
ఈ కేసులో ఐదో నిందితుడిగా ఉన్న ఆర్యన్ సింగ్, కంపెనీ ఎండీ అమర్ దీప్ కుమార్తో కలిసి మోసాల్లో చురుకైన పాత్ర పోషించాడు. బాధితులతో నేరుగా మాట్లాడుతూ, నకిలీ రశీదులు ఇస్తూ ఈ స్కామ్కు ముఖచిత్రంలా వ్యవహరించాడు. ఇతను ఒక్కడే రూ.14.35 కోట్ల కీలక డిపాజిట్లను సేకరించినట్లు అధికారులు గుర్తించారు. అంతేకాకుండా, కంపెనీ నిధుల నుంచి రూ.1.62 కోట్లను తన సొంత ఖాతాకు మళ్లించుకున్నాడు.
నేరం బయటపడగానే ఆర్యన్ సింగ్ మొదట నాందేడ్కు, అక్కడి నుంచి పంజాబ్లోని భటిండాకు పారిపోయి ఒక గురుద్వారాలో తలదాచుకున్నాడు. పక్కా సమాచారంతో అక్కడికి వెళ్లిన సీఐడీ బృందం అతడిని అరెస్ట్ చేసి, రెండు సెల్ఫోన్లు, కీలక పత్రాలను స్వాధీనం చేసుకుంది. ఈ కేసులో ఇప్పటివరకు ఆర్యన్ సింగ్తో కలిపి మొత్తం 10 మందిని అరెస్ట్ చేశామని, పరారీలో ఉన్న మిగతా నిందితుల కోసం గాలింపు కొనసాగుతోందని సీఐడీ అధికారులు తెలిపారు.
