ప్రియాంక చోప్రా 2.0 హెయిర్ స్టయిల్ గుట్టు తెలిసింది!
- భార్య ప్రియాంకకు హెయిర్ స్టైలిస్ట్గా మారిన నిక్ జొనాస్
- ప్రియాంక పోనీటెయిల్ను సరిచేస్తున్న వీడియోను పోస్ట్ చేసిన నటి
- సోషల్ మీడియాలో వైరల్ అవుతున్న ఈ క్యూట్ వీడియో
- 'పోనీటెయిల్తో చిక్కులు 2.0' అంటూ సరదా క్యాప్షన్
- ఇది రేపటికల్లా పూర్తవుతుందో లేదోనని ప్రియాంక జోక్
ఈ వీడియోలో ప్రియాంక ఒక డ్రెస్సింగ్ చైర్లో కూర్చొని ఉండగా, ఆమె భర్త, ప్రముఖ పాప్ సింగర్ నిక్ జొనాస్ ఆమె పోనీటెయిల్ను ఎంతో శ్రద్ధగా సరిచేయడం కనిపిస్తుంది. నిజానికి, 'హెడ్స్ ఆఫ్ స్టేట్' షూటింగ్ కోసం ప్రముఖ హెయిర్ స్టైలిస్ట్ థిబౌడ్ సల్డూచీ ఆమెకు హై పోనీటెయిల్ వేశారు. అయితే దానికి తుది మెరుగులు దిద్దే బాధ్యతను నిక్ తీసుకున్నారు.
ఈ క్యూట్ మూమెంట్ను ప్రియాంక తన ఫోన్లో సెల్ఫీ వీడియో తీస్తూ, "మళ్లీ మొదలైంది.. నిక్ తన పనిలో ఉన్నాడు. ఇదంతా పూర్తయ్యేసరికి రేపటివరకు పడుతుందేమో!" అంటూ సరదాగా వ్యాఖ్యానించారు. ఈ వీడియోకు ఆమె ఒక ఆసక్తికరమైన క్యాప్షన్ కూడా జోడించారు. "నా జుట్టు అలాగే ఉండాలనుకుంటోంది.. కానీ నిక్ వద్దన్నాడు! 'పోనీటెయిల్తో చిక్కులు 2.0'..." అని పేర్కొంటూ, తన ప్రొఫెషనల్ హెయిర్ స్టైలిస్ట్కు ధన్యవాదాలు తెలిపారు. ఈ పోస్ట్ చూసిన అభిమానులు ఈ జంట అన్యోన్యతకు మురిసిపోతూ కామెంట్లు పెడుతున్నారు.
