Bangalore rent: అద్దె ఇంటికి 19 లక్షలు డిపాజిటా..? బెంగళూరులో ఇంటి అద్దెలపై కెనడా పౌరుడి ఆశ్చర్యం
బెంగళూరులో ఇంటి అద్దెలు, యజమానులు అడిగే అడ్వాన్స్ లపై కెనడా పౌరుడు ఒకరు సోషల్ మీడియాలో చేసిన పోస్ట్ వైరల్ గా మారింది. ఆ వివరాలు చూసి నెటిజన్లు సైతం నివ్వెరపోతున్నారు. భారత్లో నివసిస్తున్న కాలేబ్ ఫ్రైసెన్ అనే కెనడా పౌరుడు, బెంగళూరులోని డోమ్లూర్ డైమండ్ డిస్ట్రిక్ట్లో అద్దెకు ఉన్న ఓ 3బీహెచ్కే అపార్ట్మెంట్ వివరాలను 'ఎక్స్' (ట్విట్టర్) లో పంచుకున్నారు. దాని నెలవారీ అద్దె రూ.1.75 లక్షలు కాగా, సెక్యూరిటీ డిపాజిట్గా ఏకంగా రూ.19.25 లక్షలు చెల్లించాలని ఉండటంతో ఆయన షాక్ అయ్యారు.
"సెక్యూరిటీ డిపాజిట్ కోసం రూ.19 లక్షలా! ఈ రోజుల్లో ఇంటి యజమానుల గొంతెమ్మ కోరికలు చూస్తే పిచ్చెక్కిపోతోంది. ఈ డిపాజిట్ కంటే తక్కువ ధరకే కొత్త మహీంద్రా థార్ కారు కొనవచ్చు" అంటూ కాలేబ్ ఆవేదన వ్యక్తం చేశారు. అలాగే, ఇందిరానగర్ పరిసరాల్లో 2-3 నెలల డిపాజిట్తో రూ.80 వేల నుంచి రూ.1 లక్ష మధ్య అద్దెకు ఇల్లు ఏమైనా ఉందా అని ఆయన నెటిజన్లను అడిగారు.
ఈ పోస్ట్ కొద్ది గంటల్లోనే వైరల్ అయింది. బెంగళూరు రియల్ ఎస్టేట్ మార్కెట్పై పెద్ద చర్చకు దారితీసింది. "ఈ నగరంలో ఇల్లు అద్దెకు తీసుకోవడం ఓ మాఫియా" అని ఒకరు కామెంట్ చేయగా, "ఈ భారీ డిపాజిట్ల వల్లే బెంగళూరుకు మారాలనే ఆలోచన విరమించుకున్నాను" అని మరొక యూజర్ తన అనుభవాన్ని పంచుకున్నారు. ఈ అడ్వాన్స్తో ఒక కిడ్నీ కొనవచ్చంటూ మరికొందరు వ్యంగ్యంగా స్పందించారు. ఈ ఘటన బెంగళూరులో సామాన్యులు, ఉద్యోగులు ఎదుర్కొంటున్న అద్దె కష్టాలకు అద్దం పడుతోంది.
"సెక్యూరిటీ డిపాజిట్ కోసం రూ.19 లక్షలా! ఈ రోజుల్లో ఇంటి యజమానుల గొంతెమ్మ కోరికలు చూస్తే పిచ్చెక్కిపోతోంది. ఈ డిపాజిట్ కంటే తక్కువ ధరకే కొత్త మహీంద్రా థార్ కారు కొనవచ్చు" అంటూ కాలేబ్ ఆవేదన వ్యక్తం చేశారు. అలాగే, ఇందిరానగర్ పరిసరాల్లో 2-3 నెలల డిపాజిట్తో రూ.80 వేల నుంచి రూ.1 లక్ష మధ్య అద్దెకు ఇల్లు ఏమైనా ఉందా అని ఆయన నెటిజన్లను అడిగారు.
ఈ పోస్ట్ కొద్ది గంటల్లోనే వైరల్ అయింది. బెంగళూరు రియల్ ఎస్టేట్ మార్కెట్పై పెద్ద చర్చకు దారితీసింది. "ఈ నగరంలో ఇల్లు అద్దెకు తీసుకోవడం ఓ మాఫియా" అని ఒకరు కామెంట్ చేయగా, "ఈ భారీ డిపాజిట్ల వల్లే బెంగళూరుకు మారాలనే ఆలోచన విరమించుకున్నాను" అని మరొక యూజర్ తన అనుభవాన్ని పంచుకున్నారు. ఈ అడ్వాన్స్తో ఒక కిడ్నీ కొనవచ్చంటూ మరికొందరు వ్యంగ్యంగా స్పందించారు. ఈ ఘటన బెంగళూరులో సామాన్యులు, ఉద్యోగులు ఎదుర్కొంటున్న అద్దె కష్టాలకు అద్దం పడుతోంది.
