Manchu Manoj: 'కన్నప్ప' టీమ్ కు ఆల్ ది బెస్ట్ చెప్పిన మంచు మనోజ్
ప్రముఖ నటుడు మంచు విష్ణు ప్రతిష్ఠాత్మకంగా నిర్మించి, ప్రధాన పాత్రలో నటిస్తున్న చిత్రం 'కన్నప్ప'. ఈ సినిమా రేపు (జూన్ 27) విడుదలకు సిద్ధమవుతున్న తరుణంలో, ఆయన సోదరుడు, నటుడు మంచు మనోజ్ చిత్ర బృందానికి శుభాకాంక్షలు తెలుపుతూ చేసిన ఓ ట్వీట్ ఇప్పుడు ఇండస్ట్రీ వర్గాల్లోనూ, సోషల్ మీడియాలోనూ తీవ్ర చర్చనీయాంశంగా మారింది.
మంచు మనోజ్ తన ట్వీట్లో, "కన్నప్ప టీమ్కు నా శుభాకాంక్షలు. ఈ సినిమా కోసం మా నాన్నగారు (మోహన్ బాబు), ఆయన బృందం ఎన్నో సంవత్సరాలుగా ఎంతో ప్రేమతో, అంకితభావంతో పనిచేశారు. ఈ సినిమా అద్భుతమైన విజయం సాధించాలని మనస్ఫూర్తిగా కోరుకుంటున్నాను" అని పేర్కొన్నారు. అంతేకాకుండా, "నా లిటిల్ చాంప్స్ అరియానా, వివియానా, అవ్రామ్లు (మంచు విష్ణు పిల్లలు) వెండితెరపై మంచి జ్ఞాపకాలను పంచుకోనుండటం చూడటానికి ఆసక్తిగా ఎదురుచూస్తున్నాను" అని వివరించారు.
ప్రముఖ నటుడు, రచయిత తనికెళ్ల భరణి గురించి ప్రత్యేకంగా ప్రస్తావిస్తూ, "తనికెళ్ల భరణి గారి జీవితకాల స్వప్నం రేపు సాకారం కాబోతున్నందుకు నాకు చాలా ఆనందంగా ఉంది" అని మనోజ్ తన సంతోషాన్ని పంచుకున్నారు.
అనంతరం, ఈ సినిమాలో నటించిన పలువురు సినీ దిగ్గజాలకు మనోజ్ కృతజ్ఞతలు తెలిపారు. "గోల్డెన్ హార్టెడ్ ప్రభాస్ గారికి, దిగ్గజాలు మోహన్లాల్ గారికి, అక్షయ్ కుమార్ గారికి, ప్రభుదేవా గారికి, ఈ సినిమాను ప్రేమతో, నమ్మకంతో ఆదరించిన ప్రతి ఒక్కరికీ హృదయపూర్వక ధన్యవాదాలు. మీరందరూ వెండితెరపై ప్రకాశించడం చూడాలని ఆత్రుతగా ఎదురుచూస్తున్నాను" అని తన సందేశంలో పేర్కొన్నారు.
"ఈ ప్రయాణాన్ని పరమశివుడు తేజస్సు, ప్రేమ, గొప్ప వారసత్వంతో ఆశీర్వదించాలి" అంటూ మంచు మనోజ్ తన ట్వీట్ను ముగించారు.
అయితే, తన తండ్రి, పిల్లలు, చిత్రంలోని ఇతర ముఖ్యులు, చివరకు సినిమాకు మద్దతుగా నిలిచిన ఇతర హీరోల పేర్లను కూడా గుర్తుచేసుకున్న మనోజ్, 'కన్నప్ప' సినిమాకు సర్వస్వం అయిన తన సోదరుడు మంచు విష్ణు పేరును మాత్రం తన ట్వీట్లో ఎక్కడా ప్రస్తావించకపోవడం గమనార్హం. ఈ పరిణామం మంచు సోదరుల మధ్య సత్సంబంధాలు లేవనే వార్తలకు మరింత బలాన్ని చేకూరుస్తోందని నెటిజన్లు వ్యాఖ్యానిస్తున్నారు. వీరిద్దరి మధ్య విభేదాలు అందరికీ తెలిసిందే.
మంచు మనోజ్ తన ట్వీట్లో, "కన్నప్ప టీమ్కు నా శుభాకాంక్షలు. ఈ సినిమా కోసం మా నాన్నగారు (మోహన్ బాబు), ఆయన బృందం ఎన్నో సంవత్సరాలుగా ఎంతో ప్రేమతో, అంకితభావంతో పనిచేశారు. ఈ సినిమా అద్భుతమైన విజయం సాధించాలని మనస్ఫూర్తిగా కోరుకుంటున్నాను" అని పేర్కొన్నారు. అంతేకాకుండా, "నా లిటిల్ చాంప్స్ అరియానా, వివియానా, అవ్రామ్లు (మంచు విష్ణు పిల్లలు) వెండితెరపై మంచి జ్ఞాపకాలను పంచుకోనుండటం చూడటానికి ఆసక్తిగా ఎదురుచూస్తున్నాను" అని వివరించారు.
ప్రముఖ నటుడు, రచయిత తనికెళ్ల భరణి గురించి ప్రత్యేకంగా ప్రస్తావిస్తూ, "తనికెళ్ల భరణి గారి జీవితకాల స్వప్నం రేపు సాకారం కాబోతున్నందుకు నాకు చాలా ఆనందంగా ఉంది" అని మనోజ్ తన సంతోషాన్ని పంచుకున్నారు.
అనంతరం, ఈ సినిమాలో నటించిన పలువురు సినీ దిగ్గజాలకు మనోజ్ కృతజ్ఞతలు తెలిపారు. "గోల్డెన్ హార్టెడ్ ప్రభాస్ గారికి, దిగ్గజాలు మోహన్లాల్ గారికి, అక్షయ్ కుమార్ గారికి, ప్రభుదేవా గారికి, ఈ సినిమాను ప్రేమతో, నమ్మకంతో ఆదరించిన ప్రతి ఒక్కరికీ హృదయపూర్వక ధన్యవాదాలు. మీరందరూ వెండితెరపై ప్రకాశించడం చూడాలని ఆత్రుతగా ఎదురుచూస్తున్నాను" అని తన సందేశంలో పేర్కొన్నారు.
"ఈ ప్రయాణాన్ని పరమశివుడు తేజస్సు, ప్రేమ, గొప్ప వారసత్వంతో ఆశీర్వదించాలి" అంటూ మంచు మనోజ్ తన ట్వీట్ను ముగించారు.
అయితే, తన తండ్రి, పిల్లలు, చిత్రంలోని ఇతర ముఖ్యులు, చివరకు సినిమాకు మద్దతుగా నిలిచిన ఇతర హీరోల పేర్లను కూడా గుర్తుచేసుకున్న మనోజ్, 'కన్నప్ప' సినిమాకు సర్వస్వం అయిన తన సోదరుడు మంచు విష్ణు పేరును మాత్రం తన ట్వీట్లో ఎక్కడా ప్రస్తావించకపోవడం గమనార్హం. ఈ పరిణామం మంచు సోదరుల మధ్య సత్సంబంధాలు లేవనే వార్తలకు మరింత బలాన్ని చేకూరుస్తోందని నెటిజన్లు వ్యాఖ్యానిస్తున్నారు. వీరిద్దరి మధ్య విభేదాలు అందరికీ తెలిసిందే.
