Trisha: త్రిష బ‌ర్త్‌డే ట్రీట్‌.. 'విశ్వంభ‌ర' నుంచి కొత్త పోస్ట‌ర్ విడుద‌ల
- చిరంజీవి, వశిష్ట కాంబినేష‌న్‌లో ‘విశ్వంభ‌ర’
- చిరు స‌ర‌స‌న హీరోయిన్‌గా త్రిష
- నేడు త్రిష పుట్టిన‌రోజు.. మూవీలోని ఆమె పాత్ర‌ను ప‌రిచ‌యం చేస్తూ పోస్ట‌ర్ విడుద‌ల
టాలీవుడ్ మెగాస్టార్ చిరంజీవి హీరోగా ‘బింబిసార’ ఫేమ్ వశిష్ట దర్శకత్వంలో తెర‌కెక్కుతున్న తాజా చిత్రం ‘విశ్వంభ‌ర’. ఈ మూవీ నుంచి తాజాగా కొత్త పోస్ట‌ర్ విడుద‌లైంది. ఈరోజు హీరోయిన్ త్రిష పుట్టిన‌రోజు సంద‌ర్భంగా ఆమె పాత్ర 'అవ‌ని'ని ప‌రిచ‌యం చేస్తూ మేక‌ర్స్ పోస్ట‌ర్‌ను పంచుకున్నారు.
ఈ సంద‌ర్భంగా చిత్రం యూనిట్ ఆమెకు బ‌ర్త్‌డే విషెస్ తెలుపుతూ కొత్త పోస్ట‌ర్‌ను విడుద‌ల చేసింది. చీర‌క‌ట్టులో సంప్ర‌దాయంగా చిరున‌వ్వులు చిందిస్తున్న త్రిష ఫొటో చూడ‌గానే ఆక‌ట్టుకునేలా ఉంది.
ఇక, ఈ చిత్రం నుంచి ఫ‌స్ట్ సింగిల్ ‘రామ రామ’ అంటూ సాగే పాట‌ను హ‌నుమాన్ జ‌యంతి కానుక‌గా ఏప్రిల్ 12న విడుద‌ల చేయ‌గా మంచి రెస్పాన్స్ వ‌చ్చిన విష‌యం తెలిసిందే. ఆస్కార్ అవార్డు విజేత ఎం.ఎం కీరవాణి స్వ‌రాలు స‌మ‌కూర్చిన ఈ పాటకు రామజోగయ్యశాస్త్రి లిరిక్స్ అందించారు.
కాగా, ఈ సోషియో ఫాంటసీ చిత్రాన్ని యూవీ క్రియేషన్స్‌ బ్యానర్‌పై వంశీ, ప్రమోద్, విక్రమ్‌ నిర్మిస్తున్నారు. స్టాలిన్ మూవీ త‌ర్వాత మెగాస్టార్ స‌ర‌స‌న మ‌రోసారి త్రిష ఈ సినిమాలో హీరోయిన్‌గా న‌టిస్తున్నారు. ఆషికా రంగ‌నాథ్‌, బాలీవుడ్ న‌టుడు కునాల్ క‌పూర్ ఇత‌ర కీల‌క పాత్ర‌ల్లో న‌టిస్తున్నారు.
