గ్రూప్-1 నియామకాలు... సర్టిఫికెట్ వెరిఫికేషన్ తేదీలు ప్రకటించిన టీజీపీఎస్సీ

గ్రూప్-1 నియామకాలకు సంబంధించి తెలంగాణ రాష్ట్ర పబ్లిక్ సర్వీస్ కమిషన్ (టీజీపీఎస్‌సీ) ఒక ముఖ్యమైన ప్రకటన విడుదల చేసింది. గ్రూప్-1 పోస్టులకు ఎంపికైన అభ్యర్థుల సర్టిఫికెట్ల వెరిఫికేషన్ తేదీలను టీజీపీఎస్‌సీ ప్రకటించింది.

గ్రూప్ 1 పోస్టులకు ఎంపికైన అభ్యర్థులు తమ సర్టిఫికెట్లను ఈ నెల 16, 17, 19, 21 తేదీల్లో వెరిఫికేషన్ చేయించుకోవాల్సి ఉంటుంది. నాంపల్లిలోని సురవరం ప్రతాపరెడ్డి వర్సిటీలో సర్టిఫికెట్ల వెరిఫికేషన్ జరుగుతుందని టీజీపీఎస్‌సీ తెలిపింది.

సర్టిఫికెట్ల పరిశీలనకు ఎంపికైన అభ్యర్థుల జాబితా టీజీపీఎస్‌సీ వెబ్‌సైట్‌లో అందుబాటులో ఉంటుందని కమిషన్ వెల్లడించింది. ఎంపికైన అభ్యర్థులు తమ ఒరిజినల్ సర్టిఫికెట్లతో వెరిఫికేషన్‌కు హాజరుకావాలని సూచించింది.