రోహిత్ శర్మ రిటైర్మెంట్?.. కెప్టెన్ ఎందుకిలా చేశాడు, దీని సంకేతం ఏమిటి?
- గబ్బా టెస్టులోనూ విఫలమైన కెప్టెన్
- గ్లౌవ్స్ను డగౌట్ ముందే వదిలి వెళ్లిన హిట్మ్యాన్
- ఒక్కసారిగా మొదలైన రోహిత్ శర్మ రిటైర్మెంట్ ఊహాగానాలు
- గ్లౌవ్స్ వదిలి వెళ్లడమే సంకేతమంటూ విశ్లేషణలు
అయితే, ఔటైన తర్వాత రోహిత్ శర్మ చర్య ఒకటి అతడి రిటైర్మెంట్పై ఊహాగానాలకు తావిచ్చింది. కెప్టెన్ తన గ్లౌవ్స్ను డగౌట్లోకి తీసుకెళ్లలేదు. డగౌట్ ముందే వాటిని వదిలి వెళ్లాడు. దీంతో ఇది రిటైర్మెంట్ సంకేతమా? అంటూ అభిమానులు సందేహాలు వ్యక్తం చేస్తున్నారు. ఈ మేరకు సోషల్ మీడియాలో పోస్టులు పెడుతున్నారు. గ్లౌవ్స్ను డగౌట్ ముందు వదిలి వెళ్లిన ఫొటోలను షేర్ చేస్తున్నారు.
మరోవైపు, దారుణంగా విఫలమవుతున్న రోహిత్ శర్మను ఇంకా తుది జట్టులోకి తీసుకోవడాన్ని క్రికెట్ అభిమానులు తప్పుబడుతున్నారు. భారత జట్టులో అతడి స్థానాన్ని ప్రశ్నిస్తున్నారు. కెప్టెన్ వరుస వైఫల్యాలే ఇందుకు కారణంగా ఉంది. ఆస్ట్రేలియాతో టెస్ట్ సిరీస్లో ఇప్పటివరకు మూడు ఇన్నింగ్స్ ఆడిన రోహిత్ శర్మ 6.33 సగటుతో కేవలం 19 పరుగులు మాత్రమే చేశాడు.
ఇక స్వదేశంలో న్యూజిలాండ్తో జరిగిన టెస్ట్ సిరీస్లో కూడా దారుణంగా విఫలమయ్యాడు. 6 ఇన్నింగ్స్లలో 15.17 సగటుతో 91 పరుగులు మాత్రమే చేశాడు. కాగా, టీ20 ప్రపంచ కప్-2024 టైటిల్ గెలిచిన తర్వాత రోహిత్ శర్మ టీ20 ఫార్మాట్కు రిటైర్మెంట్ ప్రకటించిన విషయం తెలిసిందే.
