రేపటి నుంచి రెండో టెస్టు... కోహ్లీ, బుమ్రాలను ఊరిస్తున్న ఘనతలు

టీమిండియా, ఆస్ట్రేలియా జట్ల మధ్య బోర్డర్-గవాస్కర్ ట్రోఫీ సిరీస్ లో భాగంగా రేపటి నుంచి రెండో టెస్టు జరగనుంది. కాగా, బ్యాటింగ్ లెజెండ్ విరాట్ కోహ్లీ, స్టార్ పేసర్ జస్ప్రీత్ బుమ్రాలను ఆసక్తికర మైలురాళ్లు ఊరిస్తున్నాయి. 

కోహ్లీ ఇప్పటిదాకా ఆస్ట్రేలియాపై టెస్టుల్లో 9 సెంచరీలు సాధించాడు. మరొక్కటి సాధిస్తే 10 శతకాలతో డబుల్ డిజిట్ అందుకుంటాడు. పెర్త్ లో జరిగిన తొలి టెస్టులో సెంచరీ సాధించిన కోహ్లీ... ఆస్ట్రేలియా గడ్డపై 6 సెంచరీలు సాధించిన సచిన్ రికార్డును అధిగమించాడు. 

ఇక, బుమ్రా ఇప్పటివరకు ఆసీస్ పై 16 ఇన్నింగ్స్ ల్లో 18.80 సగటుతో 40 వికెట్లు తీశాడు. అతడు మరో 10 వికెట్లు తీస్తే ఆస్ట్రేలియాపై 50 వికెట్ల మార్కు అందుకుంటాడు.