హరీశ్ రావును కలిసిన టీటీడీ ఛైర్మన్ బీఆర్ నాయుడు
- హరీశ్ రావు నివాసానికి వెళ్లిన బీఆర్ నాయుడు
- నాయుడుని శాలువాతో సత్కరించిన హరీశ్ రావు
- సిద్దిపేటలో టీటీడీ ఆలయ పనులను ప్రారంభించాలని విన్నపం
ఈ సందర్భంగా హరీశ్ రావు మాట్లాడుతూ... శ్రీవారికి సేవ చేసే భాగ్యం బీఆర్ నాయుడుకి లభించడం అదృష్టమని అన్నారు. తెలంగాణ రాష్ట్ర ప్రజాప్రతినిధుల సిఫారసు లేఖలను పరిగణనలోకి తీసుకోవాలని బీఆర్ నాయుడిని కోరారు. సిద్దిపేటలో టీటీడీ ఆలయ పనులను త్వరగా ప్రారంభించాలని విన్నవించారు.
బీఆర్ నాయుడు మాట్లాడుతూ... ఏపీ ముఖ్యమంత్రి చంద్రబాబుతో చర్చించి తెలంగాణ నేతల సిఫారసు లేఖలపై సానుకూల నిర్ణయం తీసుకుంటామని చెప్పారు. సిద్దిపేట, కరీంనగర్ లలో టీటీడీ ఆలయ పనులపై బోర్డులో చర్చిస్తామని తెలిపారు.
