ఈ వీడియో తిరుమలలో చిత్రీకరించినట్టు తప్పుడు ప్రచారం చేస్తున్నారు: ఏపీ పోలీస్

సోషల్ మీడియాలో వైరల్ అవుతున్న ఓ వీడియో పట్ల ఏపీ పోలీస్ విభాగం స్పందించింది. ఆ వీడియోలో కొందరు వ్యక్తులు నాగిని మ్యూజిక్ కు డ్యాన్స్ చేస్తుండడం చూడొచ్చు. అయితే, తిరుమలలో అపచారం అంటూ ఈ వీడియోను వైరల్ చేస్తుండడంపై ఏపీ పోలీస్ స్పష్టత ఇచ్చింది. ఇది ఫేక్ వీడియో అని పేర్కొంది.

ఇది విజయవాడలో జరిగిన పుట్టినరోజు కార్యక్రమంలో చిత్రీకరించిన వీడియో అని వెల్లడించింది. ఈ వీడియోను తిరుమలలో చిత్రీకరించినట్టు తప్పుడు ప్రచారం చేస్తున్నారని వివరించింది. 

దివ్యమైన తిరుమల పవిత్రతను కించపరిచేలా ఫేక్ వీడియోలు పోస్ట్ చేయడం నేరం అని, సంబంధిత సెక్షన్ల కింద తీవ్రస్థాయిలో చట్టపరమైన చర్యలకు గురికావాల్సి ఉంటుందని పోలీస్ డిపార్ట్ మెంట్ హెచ్చరించింది.