జనసేన స్టార్ క్యాంపెయినర్లను నియమించిన పవన్ కల్యాణ్... అంబటి రాయుడికి చోటు

ఏపీలో మే 13న అసెంబ్లీ, లోక్ సభ ఎన్నికలు జరగనున్న నేపథ్యంలో జనసేన అధినేత తమ పార్టీ స్టార్ క్యాంపెయినర్లను ప్రకటించారు. జనసేన పార్టీ రాష్ట్ర ప్రధాన కార్యదర్శి కొణిదెల నాగబాబు, క్రికెటర్ అంబటి రాయుడు, టాలీవుడ్ కమెడియన్ పృథ్వీ, టాలీవుడ్ కొరియోగ్రాఫర్ జానీ మాస్టర్, టాలీవుడ్ నటులు హైపర్ ఆది, గెటప్ శ్రీను, ప్రముఖ బుల్లితెర నటుడు, 'మొగలిరేకులు' ఫేమ్ సాగర్ స్టార్ క్యాంపెయినర్లుగా నియమితులయ్యారు. ఏపీ అసెంబ్లీ, పార్లమెంటు ఎన్నికల్లో జనసేన పార్టీ అభ్యర్థుల తరఫున వీరు ఎన్నికల్లో ప్రచారం చేస్తారు.