ముస్లిం వివాహ చట్టం రద్దు.. యూసీసీ అమలు దిశగా అసోం ప్రభుత్వం సంచలన నిర్ణయం
- అసోం ముస్లిం వివాహ, విడాకుల నమోదు చట్టం-1935’ని రద్దు చేస్తూ కేబినెట్ నిర్ణయం
- రాష్ట్రంలో రద్దు కానున్న 94 ముస్లిం రిజిస్ట్రార్లు.. ఒక్కొక్కరికి రూ.2 లక్షల పరిహారం ఇస్తామని ప్రభుత్వం ప్రకటన
అసోం ముస్లిం వివాహ, విడాకుల నమోదు చట్టం-1935ని రద్దు చేశామని, ఈ చట్టం కింద రాష్ట్రవ్యాప్తంగా ఇప్పటికీ 94 రిజిస్టార్లు పనిచేస్తున్నారని మంత్రి జయంత మల్లబారువా తెలిపారు. వారంతా శుక్రవారం నుంచే రద్దు అయ్యారని వెల్లడించారు. ఇకపై ముస్లింల వివాహాలు, విడాకుల నమోదును జిల్లా కమిషనర్, జిల్లా రిజిస్ట్రార్ చేపడతారని మంత్రి వివరించారు. 94 మంది ముస్లిం రిజిస్ట్రార్లకు ఒక్కొక్కరికి ఏకమొత్తంలో రూ.2 లక్షల చొప్పున పరిహారం ఇచ్చి విధుల నుంచి తొలగిస్తామని ప్రకటించారు. కాగా ముస్లిం వివాహ చట్టం రద్దుతో సంబంధిత అంశాలు ప్రత్యేక వివాహ చట్టం పరిధిలోకి రానున్నాయి.
