విడాకుల దిశగా కలర్స్ స్వాతి..?

తన క్యూట్ మాటలతో హోమ్లీ గర్ల్ లుక్స్‌తో ప్రేక్షకుల మదిలో చోటు సంపాదించుకున్న ‘కలర్స్’ స్వాతికి సంబంధించి ఓ సంచలన వార్త నెట్టింట్లో వైరల్ అవుతోంది. స్వాతి త్వరలో భర్త నుంచి విడిపోనుందనేది దీని సారాంశం. ఇటీవల ఆమె తన ఇన్‌స్టా అకౌంట్ నుంచి భర్త ఫొటోలు తొలగించేసిందని, విడాకుల దిశగా ఇది తొలి అడుగని నెటిజన్లు కథలుకథలుగా చెప్పుకుంటున్నారు. నిప్పు లేందే పొగరాదని, విడాకులకు పూర్వం సమంత, నిహారిక కూడా ఇలాగే తమ భాగస్వాముల ఫొటోలను సోషల్ మీడియాలోంచి తీసేశారని గుర్తు చేస్తున్నారు. 

సుమారు రెండేళ్ల క్రితం సరిగ్గా ఇదే విధంగా స్వాతి విడాకులు తీసుకుంటోందన్న వార్త హల్‌చల్ చేసింది. అప్పట్లో స్వాతి అకస్మాత్తుగా తన భర్త ఫొటోలు తొలగించడంతో కలకలం రేగింది. దీంతో, ఆమె స్వయంగా వివరణ ఇచ్చుకోవాల్సి వచ్చింది. సోషల్ మీడియాలోని భర్త ఫొటోలను ఆర్కైవ్స్‌లో పెట్టుకున్నట్టు చెప్పిన ఆమె తన ఫోన్లోని భర్త ఫొటోలను కూడా చూపించాల్సి వచ్చింది.