'రాయల్'గా రానున్న రెబల్ స్టార్!

ప్రస్తుతం ప్రభాస్ చేతిలో నాలుగు సినిమాలు ఉన్నాయి. వాటిలో మారుతి దర్శకత్వంలో రూపొందుతున్న సినిమా కూడా ఒకటి. ఈ సినిమాపై ఎలాంటి అంచనాలు పెంచకూడదనే ఉద్దేశంతో మారుతి చాలా సైలెంట్ గా పని కానిచ్చేస్తున్నాడని అంటున్నారు. ఇప్పటికే 60 శాతం చిత్రీకరణ పూర్తయిందని చెబుతున్నారు. 
 
పీపుల్ మీడియావారు ఈ సినిమాను నిర్మిస్తున్నారు. ఇది ఒక సినిమా థియేటర్ నేపథ్యంలో నడిచే కథ అనీ, 'రాజా డీలక్స్' అనే పేరును ఖాయం చేయనున్నారని టాక్ వచ్చింది. కానీ ఈ టైటిల్ విషయంలో మేకర్స్ మనసు మార్చుకున్నారని తెలుస్తోంది. ఈ సినిమాకి 'రాయల్' అనే టైటిల్ కరెక్టుగా సెట్ అవుతుందని భావించి, రిజిస్టర్ కూడా చేయించారట. ఈ సినిమాకి దాదాపుగా ఈ టైటిల్ ఖరారైనట్టేనని అంటున్నారు. 

ఇక ఇందులో ప్రభాస్ జోడీగా నిధి అగర్వాల్ .. మాళవిక మోహనన్ .. రిధి కనిపించనున్నారు. ఈ సినిమాలో ఒక గెస్ట్ రోల్ లో రామ్ గోపాల్ వర్మ కనిపించనున్నారని చెబుతున్నారు. మొత్తానికి మీడియం బడ్జెట్ మూవీ అంటూనే, పాన్ ఇండియా స్థాయి టైటిల్ ను మారుతి సెట్ చేశాడన్న మాట.