నా ఊపిరి స్వామి సేవకు అంకితం.. నాకెందుకు పదవులు: చాగంటి
- టీటీడీ ధార్మిక కార్యక్రమాల సలహాదారుడిగా చాగంటి నియామకం
- సలహాలివ్వడానికి పదవులెందుకన్న చాగంటి
- పదవిని స్వీకరించబోనని స్పష్టీకరణ
- వైరల్ అవుతున్న వీడియో
- స్పందించని టీటీడీ
అందులో ఆయన మాట్లాడుతూ.. ధర్మ ప్రచార పరిషత్తులోని సభ్యులు, అధ్యక్షులు, ఈవోకు విశేషమైన అనుభవం ఉందని, వారికి సలహాల అవసరం ఉంటుందని తాను అనుకోవడం లేదన్నారు. ఒకవేళ వారికి ఏదైనా అనుమానం వచ్చి సలహా అడిగితే చెప్పే శక్తి తనకు ఉండాలి తప్పితే, దానికి పదవే ఎందుకని ప్రశ్నించారు.
పదవి ఇస్తేనే ఆ పని చేస్తానని ఎందుకు అనుకున్నారని అన్నారు. తన ఊపిరి స్వామి సేవకు అంకితమని, అందుకు పనికి వస్తే జీవితం ధన్యమైనట్టేనని అన్నారు. కాబట్టి పదవిని స్వీకరించలేనని స్పష్టం చేశారు. ఈ పని చేసి పెట్టాలని టీటీడీ తనను అడిగితే, తనకు అవకాశం ఉంటే వెంటనే వెళ్లి చేస్తానని చాగంటి పేర్కొన్నారు. అయితే, పదవి స్వీకరించలేనన్న చాగంటి వ్యాఖ్యలపై టీటీడీ ఇప్పటి వరకు స్పందించలేదు.
