కల్వకుర్తిలో భయాందోళనలు సృష్టించిన భారీ బెలూన్
- మామిడితోటలో పడిపోయిన బెలూన్
- కాసేపటికే అక్కడికి చేరుకున్న సైంటిస్టులు
- వాతావరణ పరిశోధన కోసం పంపామని వివరణ
వాతావరణ మార్పులు, నక్షత్రాలపై పరిశోధన కోసం ప్రయోగించిన బెలూన్ అని, దీంతో ఎలాంటి ముప్పులేదని వివరించడంతో గ్రామస్థులలో ఆందోళన తగ్గింది. శనివారం రాత్రి 11 గంటల ప్రాంతంలో పరిశోధన కోసం ఈ భారీ బెలూన్ ను ఆకాశంలోకి ఎగరవేసినట్లు అధికారులు తెలిపారు. ఆకాశంలో దాదాపు 32 కిలోమీటర్ల మేర పైకి పంపించినట్లు చెప్పారు.
ఈ సైన్స్ ఫిట్ బెలూన్ తో వాతావరణంలో మార్పులు, నక్షత్రాల కదలికలకు సంబంధించిన సమాచారం సేకరించినట్లు వివరించారు. అనంతరం ఈ బెలూన్ ను కూల్చేశామని పేర్కొన్నారు. ఈ తరహా బెలూన్ల ప్రయోగం గతంలోనూ చేసినట్లు అధికారులు తెలిపారు. ఇప్పటి వరకు సుమారు 500 బెలూన్లను ప్రయోగించామని, వీటితో ఎలాంటి ప్రాణ హాని ఉండదని అధికారులు వివరించారు.
