'పేసీఎం' అంటూ బొమ్మైకు వ్యతిరేకంగా బెంగళూరులో వెలసిన పోస్టర్లు

కర్ణాటక సీఎం బసవరాజ్ బొమ్మైకు వ్యతిరేకంగా బెంగళూరులో పలు పోస్టర్లు వెలిశాయి. 'పేసీఎం' అంటూ విపక్షాలు పోస్టర్లను ఏర్పాటు చేశాయి. ఎలక్ట్రానిక్ వ్యాలట్ పేమెంట్లయిన పేటీఎం, గూగుల్ పే తరహాలో ఈ పోస్టర్లు ఉన్నాయి. ఈ పోస్టర్లలో క్యూర్ కోడ్ స్థానంలో బొమ్మై ఫొటోను ఉంచారు. 40 శాతం మొత్తాన్ని ఇక్కడ స్వీకరించడం జరుగుతుందని పోస్టర్లలో పేర్కొన్నారు.

ప్రభుత్వ ఉద్యోగాలు, కాంట్రాక్టుల్లో పెద్ద ఎత్తున అవినీతి చోటు చేసుకుంటోందంటూ కాంగ్రెస్ పార్టీ ఇటీవలి కాలంలో విమర్శలను పెంచుతోంది. ఈ క్రమంలోనే ఈ పోస్టర్లు వెలిశాయి. అయితే ఈ పోస్టర్లకు సంబంధించిన సమాచారం వెలుగులోకి వచ్చిన వెంటనే ప్రభుత్వ యంత్రాంగం స్పందించింది. ఈ పోస్టర్లను ప్రభుత్వ సిబ్బంది తొలగించారు.