లక్కీ లక్ష్మణ్ నుంచి 'ఓ మేరీ జాన్' సాంగ్ ప్రోమో విడుదల...  భారీ రెస్పాన్స్ వస్తోందన్న నిర్మాత

బిగ్ బాస్ ఫేమ్ సోహైల్ హీరోగా మోక్ష కథానాయికగా వస్తున్న చిత్రం 'లక్కీ లక్ష్మణ్'. ఏఆర్ అభి దర్శకత్వం వహిస్తున్న ఈ చిత్రాన్ని దత్తాత్రేయ మీడియా బ్యానర్ పై హరిత గోగినేని నిర్మిస్తున్నారు. ఈ చిత్రం నుంచి తాజాగా 'ఓ మేరీ జాన్' గీతానికి సంబంధించిన ప్రోమో రిలీజ్ చేశారు. 'ఓ మేరీ జాన్' గీతాన్ని సీనియర్ గీత రచయిత భాస్కరభట్ల రచించారు.

కాగా, విడుదలైన కొన్ని గంటల్లోనే ఈ లిరికల్ సాంగ్ ప్రోమోకు విశేషమైన స్పందన వస్తోందని నిర్మాత హరిత గోగినేని వెల్లడించారు. పూర్తి పాటను సెప్టెంబరు 3వ తేదీ ఉదయం 9.33 గంటలకు విడుదల చేస్తామని చెప్పారు. సీనియర్ టెక్నీషియన్లు పనిచేస్తున్న ఈ చిత్రం అందరికీ తప్పకుండా నచ్చుతుందని, అన్ని కార్యక్రమాలు పూర్తి చేసుకొని త్వరలో నే ప్రేక్షకుల ముందుకు తీసుకువస్తున్నామని అన్నారు. 

'లక్కీ లక్ష్మణ్' చిత్రంలో రాజా రవీంద్ర, సమీర్, కాదంబరి కిరణ్ తదితరులు నటిస్తున్నారు. అనూప్ రూబెన్స్ సంగీతం అందిస్తున్నాడు.