CJI NV Ramana: విజయవాడలో కోర్టు కాంప్లెక్స్ ను ప్రారంభించిన సీజేఐ ఎన్వీ రమణ.. హాజరైన సీఎం జగన్
- ప్రారంభోత్సవానికి హాజరైన హైకోర్టు చీఫ్ జస్టిస్, ఇతర న్యాయమూర్తులు
- కార్యక్రమానికి ముందు సీజేఐని మర్యాదపూర్వకంగా కలిసిన సీఎం
- కోర్టు ప్రాంగణంలో మొక్కలు నాటిన సీజేఐ, సీఎం
విజయవాడలో నిర్మించిన నూతన సిటీ సివిల్ కోర్టు కాంప్లెక్స్ ను సుప్రీంకోర్టు చీఫ్ జస్టిస్ ఎన్వీ రమణ ప్రారంభించారు. ఈ కార్యక్రమానికి ఏపీ ముఖ్యమంత్రి జగన్, హైకోర్టు ప్రధాన న్యాయమూర్తి జస్టిస్ ప్రశాంత్ కుమార్ మిశ్రా, ఇతర న్యాయమూర్తులు హాజరయ్యారు. కోర్టు ప్రారంభోత్సవం అనంతరం కోర్టు కాంప్లెక్స్ ఆవరణలో సీజేఐ రమణ, సీఎం జగన్ లు మొక్కలు నాటారు. కోర్టు భవన ప్రారంభోత్సవ కార్యక్రమానికి ముందు సీజేఐ ఎన్వీ రమణను ముఖ్యమంత్రి జగన్ మర్యాదపూర్వకంగా కలిశారు.
