రజనీకాంత్ పాదాలకు నమస్కరించిన మాధవన్

‘రాకెటరీ: ద నంబీ ఎఫెక్ట్’ సినిమా సక్సెస్ ను ఆస్వాదిస్తున్న తమిళ నటుడు ఆర్ మాధవన్.. మరో దిగ్గజ నటుడు రజనీకాంత్ ను చెన్నైలోని ఆయన నివాసంలో కలుసుకున్నాడు. ఈ సందర్భంగా రజనీకాంత్ ఆయనకు శాలువ కప్పి సత్కరించారు. అదే సమయంలో మాధవన్ రజనీకాంత్ పాదాలకు నమస్కరించి గౌరవ భావాన్ని చాటుకున్నాడు. ఆ సమయంలో నంబి నారాయణన్ కూడా అక్కడే ఉన్నారు. 

ఈ ఫొటోలను మాధవన్ స్వయంగా ట్విట్టర్ పేజీలో షేర్ చేశాడు. ‘‘నంబి నారాయణన్ సమక్షంలో పరిశ్రమ అంటే కనిపించే ఒకే ఒక్కడు, దిగ్గజ నటుడి నుంచి ఆశీర్వచనాలు తీసుకోవడం.. నిజంగా ఈ క్షణం శాశ్వతంగా గుర్తుండిపోతుంది. రాకెటరీ గురించి మీ మంచి మాటలకు, అభిమానానికి ధన్యవాదాలు రజనీకాంత్ సర్. మీ ప్రోత్సాహం మమ్మల్ని పూర్తిగా పునరుజ్జీవింప చేస్తుంది. మేము మిమ్మల్ని ప్రేమిస్తున్నాం’’అంటూ మాధవన్ ట్వీట్ చేశాడు. నంబి నారాయణన్ ఇస్రో మాజీ శాస్త్రవేత్త.