ప్రముఖ పారిశ్రామికవేత్త సుందరనాయుడు కన్నుమూత

తెలుగు నేల గ‌ర్వించ‌ద‌గిన తొలితరం ఔత్సాహిక పారిశ్రామిక‌వేత్త‌, బాలాజీ హాచ‌రీస్ వ్య‌వస్థా‌ప‌కుడు సుంద‌ర‌నాయుడు గురువారం సాయంత్రం తుది శ్వాస విడిచారు. గ‌త కొంత కాలంగా అనారోగ్యంతో బాధ‌ప‌డుతూ హైద‌రాబాద్‌లోని ఓ ప్రైవేట్ ఆసుప‌త్రిలో చికిత్స పొందుతున్న ఆయ‌న గురువారం 4 గంట‌ల స‌మ‌యంలో కన్నుమూశారు.

ఉమ్మ‌డి ఏపీలో తొలి త‌రం ఔత్సాహిక పారిశ్రామిక‌వేత్త‌గా ప్ర‌స్థానాన్ని ప్రారంభించిన సుంద‌ర‌నాయుడు బాలాజీ హ్యాచ‌రీస్‌ను స్థాపించి అంచెలంచెలుగా ఎదిగారు. చిత్తూరు న‌గ‌రానికి చెందిన సుంద‌ర‌నాయుడు పశు వైద్యుడిగా త‌న వృత్తి జీవితాన్ని ప్రారంభించారు. ఆ త‌ర్వాత బాలాజీ హ్యాచరీస్ పేరిట పౌల్ట్రీ ప‌రిశ్ర‌మ‌లో అడుగుపెట్టిన ఆయ‌న ప్ర‌ముఖ పారిశ్రామిక‌వేత్త‌గా ఎదిగారు. ఏపీ పౌల్ట్రీ స‌మాఖ్య అధ్య‌క్షుడిగా వ్య‌వ‌హ‌రించిన నాయుడు... కోళ్ల ప‌రిశ్ర‌మ అభివృద్ధికి విశేష కృషి చేశారు. ఎంద‌రో ఔత్సాహిక పారిశ్రామిక‌వేత్త‌ల‌కు ఆయ‌న ఆద‌ర్శంగా నిలిచారు.