జనవరిలో పెళ్లి ఉండొచ్చా? అనే ప్రశ్నకు సింగర్ సునీత స్పందన!

టాలీవుడ్ సింగర్ సునీత రెండో పెళ్లి చేసుకోబోతున్న సంగతి తెలిసిందే. వ్యాపారవేత్త రామ్ వీరపనేనితో సునీత ఎంగేజ్ మెంట్ ఇటీవలే జరిగింది. ఇప్పుడు వీరి పెళ్లిపై తెలుగు రాష్ట్రాల్లోని సినీ అభిమానులు చర్చించుకుంటున్నారు. వీరి వివాహం ఎప్పుడు జరగనుందనే ఆసక్తి నెలకొంది.

తాజాగా హైదరాబాదులోని ఓ షాపింగ్ మాల్ ఓపెనింగ్ కోసం ముఖ్య అతిథులుగా హీరోయిన్లు రాశీఖన్నా, అనుపమ పరమేశ్వరన్ లతో కలిసి సునీత కూడా వచ్చారు. ఈ సందర్భంగా మీడియా ప్రతినిధులు అడిగిన పలు ప్రశ్నలకు ఆమె సమాధానాలు చెప్పారు. తనది పెళ్లి కాదని... రెండు కుటుంబాల కలయిక అని అన్నారు. జనవరిలో పెళ్లి ఉండొచ్చా? అనే ప్రశ్నకు బదులుగా ఉండొచ్చని చెప్పారు.