చీరకట్టులో, స్పోర్ట్స్ షూ ధరించి అమ్మాయి విన్యాసాలు... ఆకట్టుకుంటున్న వీడియో

పాప్యులారిటీ పొందాలంటే సోషల్ మీడియాను మించిన సాధనం మరొకటి లేదు. గతంలో కేరళ అమ్మాయి ప్రియా వారియర్ కన్నుగీటిన వీడియో ఎంత ప్రజాదరణ పొందిందో ప్రత్యేకంగా చెప్పనక్కర్లేదు. ఇప్పుడు ఇష్నా కుట్టీ అనే ఢిల్లీ అమ్మాయి హూలా హూప్ (రింగు వంటి వస్తువు)తో చేసిన విన్యాసాలు అందరినీ ఆకట్టుకుంటున్నాయి. ఇష్నా వీడియో వైరల్ కావడానికి ప్రధాన కారణం ఆమె ఆహార్యమేనని చెప్పాలి.

చీరకట్టులో స్పోర్ట్స్ షూ ధరించి ఆమె హూలా హూప్ తో ఎంతో అందంగా నర్తించింది. జెండా ఫూల్ అనే బాలీవుడ్ గీతానికి ఆమె డ్యాన్స్ చేసిన వైనం దేశవ్యాప్తంగా ప్రశంసలకు కారణమైంది. ఇటీవలే ఇష్నా ట్విట్టర్ ఖాతా తెరవగా, ఈ వీడియోకు సంబంధించిన అభినందనలు వస్తున్నాయి. అప్పుడే ఆమెకు వేలల్లో ఫాలోవర్లు వచ్చారు. అంతేకాదు, యూట్యూబ్ లో నిన్న వీడియో పోస్టు చేయగా, భారీ సంఖ్యలో వ్యూస్ లభించాయి.