మేం చెపితే వినలేదు.. ఇప్పుడు సీబీఐ అదే చెపుతోంది: వర్ల రామయ్య

విశాఖ డాక్టర్ సుధాకర్ అంశం ఇరు తెలుగు రాష్ట్రాల్లో సంచలనం రేపిన సంగతి తెలిసిందే. మాస్కులు అందించడం లేదనే బాధను సుధాకర్ వ్యక్తం చేస్తే... ఆయన పట్ల దారుణంగా వ్యవహరించారంటూ ప్రభుత్వంపై విపక్షాలు ఆరోపణలు చేస్తున్నాయి. తాజాగా ఇదే అంశంపై టీడీపీ నేత వర్ల రామయ్య ట్విట్టర్ ద్వారా స్పందించారు.

సుధాకర్ ను పిచ్చివాడుగా చిత్రీకరించేందుకు కుట్ర జరుగుతోందని తాము ఎంత మొర పెట్టుకున్నా ప్రభుత్వం పట్టించుకోలేదని వర్ల విమర్శించారు. ఇప్పుడు ఇదే అంశం వెనుక కుట్ర ఉందంటూ హైకోర్టుకు సీబీఐ చెప్పిందని అన్నారు. సీబీఐ దర్యాప్తులో ప్రభుత్వం జోక్యం చేసుకోకుండా... అసలు ముద్దాయిలు అరెస్ట్ అయ్యేలా చూడాలని డిమాండ్ చేస్తున్నామని చెప్పారు.