నిజమైన భావోద్వేగాలు... అసలైన వినోదం... వస్తోంది బిగ్ బాస్ సీజన్-4: సరికొత్త ప్రోమోలో నాగ్ సందడి

త్వరలోనే బిగ్ బాస్ నాలుగో సీజన్ ప్రారంభం కానుందనడానికి సంకేతంగా స్టార్ మా చానల్ నుంచి మరో ప్రోమో వచ్చింది. మొన్న రిలీజ్ చేసిన ప్రోమోలో వృద్ధుడి వేషంలో ఉన్న నాగార్జున ఓ టెలిస్కోప్ తో బయటి ప్రపంచాన్ని చూస్తుంటాడు. గోపీ అంటూ నాగ్ పలికిన డైలాగుతో ఆ ప్రోమో ముగుస్తుంది. దానికి కొనసాగింపుగా తాజా ప్రోమో రిలీజైంది. ఇందులో ముగ్గురు నాగార్జునలను చూడొచ్చు.

వృద్ధుడి వేషంలో నాగ్ తో పాటు కుర్ర నాగ్ కూడా బయటి ప్రపంచాన్ని చూస్తూ ఎంజాయ్ చేస్తుంటారు. ఈ దశలో బిగ్ బాస్ హోస్ట్ గా వ్యవహరించే నాగార్జున వచ్చి దీన్ని మించిన ఎంటర్టయిన్ మెంట్ మరొకటి ఉందని, అదే బిగ్ బాస్ సీజన్-4 అంటూ చెబుతాడు. అసలైన భావోద్వేగాలు, నిజమైన వినోదం... ఇంతకుముందెప్పుడూ చూసి ఉండరు అంటూ వ్యాఖ్యానిస్తాడు. మొత్తమ్మీద ఈ ప్రోమోతో బిగ్ బాస్-4 హైప్ మరింత అధికమైంది.