Tihar Jail: తీహార్ జైల్లో కరోనా కలకలం... ఖైదీకి పాజిటివ్, జైలర్లకు క్వారంటైన్

ఢిల్లీ తీహార్ జైల్లో కరోనా కలకలం రేగింది. ఓ రిమాండ్ ఖైదీకి కరోనా పాజిటివ్ గా తేలడంతో జైలు వర్గాలు ఉలిక్కిపడ్డాయి. ఆ వ్యక్తి ఇటీవలే అత్యాచారం ఆరోపణలతో అరెస్ట్ అయ్యాడు. అతడికి న్యాయస్థానం జ్యుడిషియల్ కస్టడీ విధించడంతో తీహార్ జైలుకు తరలించారు. కరోనా లక్షణాలు కనిపించడంతో వైద్య పరీక్షలు నిర్వహించగా పాజిటివ్ వచ్చింది. ఈ నేపథ్యంలో, జైల్లోని కొందరు జైలర్లను క్వారంటైన్ కు పంపారు. పెద్ద సంఖ్యలో ఖైదీలు ఉన్న తీహార్ జైలులో కరోనా కేసు వెలుగుచూడడంతో జైలు వర్గాల్లో ఆందోళన మొదలైంది.