రజనీకాంత్ స్ఫూర్తితోనే సినిమాల్లోకి వచ్చాను: నటుడు బాబీసింహా

తమిళంలో హీరోగా .. విలన్ గా విభిన్నమైన పాత్రలను పోషిస్తూ బాబీసింహా మంచి క్రేజ్ తెచ్చుకున్నాడు. అవకాశాన్ని బట్టి ఆయన తెలుగులోను చేస్తున్నాడు. రవితేజ హీరోగా చేసిన 'డిస్కోరాజా'లో ఆయన విలన్ గా చేశాడు. ఈ నెల 24వ తేదీన ఈ సినిమా ప్రేక్షకుల ముందుకు రానుంది. ఈ నేపథ్యంలో బాబీసింహా మాట్లాడుతూ రజనీకాంత్ ను గురించి ప్రస్తావించాడు.

"మొదటి నుంచి కూడా నేను రజనీకాంత్ గారి సినిమాలను ఎక్కువగా చూసేవాడిని. రజనీకాంత్ గారి స్టైల్ .. ఆయన డైలాగ్ డెలివరీ అంటే నాకు ఇష్టం. ఆయన స్ఫూర్తితోనే నేను సినిమాల్లోకి వచ్చాను. 'జిగర్తాండ' సినిమా సమయానికి నేను పాప్యులర్ కాదు. కానీ రజనీకాంత్ గారు నన్ను మెచ్చుకున్నారు. ఆయనని కలవడానికి వెళితే ఆప్యాయంగా ఆలింగనం చేసుకున్నారు. రజనీకాంత్ గారు సూపర్ హీరో .. అంతకు మించిన మంచి మనసున్న మనిషి" అని చెప్పుకొచ్చాడు.