పృథ్వీరాజ్ పై వేటు..ఎస్వీబీసీ చైర్మన్ పదవికి రాజీనామా చేయాలని ఆదేశాలు

ఆడియో టేపుల వ్యవహారంలో ఆరోపణలు ఎదుర్కొంటున్న ఎస్వీబీసీ చైర్మన్ పృథ్వీరాజ్ పై వేటు పడింది. ఈ వ్యవహారాన్ని సీఎం జగన్ దృష్టికి టీటీడీ చైర్మన్ వైవీ సుబ్బారెడ్డి తీసుకెళ్లారు. ఎస్వీబీసీ చైర్మన్ పదవికి పృథ్వీని వెంటనే రాజీనామా చేయాలని జగన్ నిర్దేశించారు. ఈ ఆదేశాల మేరకు వెంటనే రాజీనామా చేయాలని పృథ్వీరాజ్ కు వైవీ సుబ్బారెడ్డి సూచించారు. కాగా, టేపుల వ్యవహారం ఘటనపై విజిలెన్స్ విచారణ జరుగుతోంది. టేపులు ఫోరెన్సిక్ ల్యాబ్ కు పంపి పూర్తిస్థాయి విచారణ చేయాలని వైవీ సుబ్బారెడ్డి ఆదేశించారు.