వర్మ ‘ఎంటర్ ద గర్ల్ డ్రాగన్’ చిత్రం టీజర్ రిలీజ్

ఎంతో కాలంగా ప్రేక్షకుల ముందుకు తీసుకురావాలనుకున్న తన ప్రతిష్టాత్మక చిత్రం ‘ఎంటర్ ద గర్ల్ డ్రాగన్’ ను ప్రముఖ దర్శకుడు రామ్ గోపాల్ వర్మ త్వరలో తీసుకురానున్నారు. ఇందుకు సంబంధించిన చిత్రం టీజర్ ను ఈ రోజు విడుదల చేశారు. మార్షల్ ఆర్ట్స్ లో కింగ్ గా పేరుపొందిన బ్రూస్ లీని అభిమానించే దర్శకుడు రామ్ గోపాల వర్మ ఈ సినిమాను తన డ్రీమ్ ప్రాజెక్ట్ గా చెబుతున్నారు. అందుకే నేడు బ్రూస్ లీ 80వ జయంతి రోజు కావడంతో ఈ రోజు టీజర్ ను రిలీజ్ చేయడం జరిగింది.

ఇండో చైనీస్ ఉమ్మడి ప్రాజెక్టుగా ఈ చిత్రం నిర్మాణం చేశారు. ఇదిలావుండగా ‘ఎంటర్ ద గర్ల్ డ్రాగన్’ మార్షల్ ఆర్ట్స్ నేపథ్యంలో రూపొందిన తొలి భారతీయ సినిమా కావడం గమనార్హం. ఇందులో బ్రూస్లీ గర్ల్ గా పూజా బాలేకర్ నటిస్తున్నారు.