ధోనీపై ఊహాగానాలు వద్దు, ఐపీఎల్ వరకు ఆగండి: రవిశాస్త్రి

టీమిండియాలో ధోనీ కనిపించక నెలలు గడుస్తోంది. వరల్డ్ కప్ తర్వాత ధోనీ జట్టుకు దూరమయ్యాడు. తాను అందుబాటులో ఉండేదీ లేనిదీ ధోనీ చెప్పకపోగా, అటు సెలెక్టర్లు కూడా ధోనీ లేకుండానే జట్టును ప్రకటిస్తూ వస్తున్నారు. ఈ నేపథ్యంలో ధోనీ భవితవ్యంపై టీమిండియా కోచ్ రవిశాస్త్రి స్పందించారు.

 ధోనీ మైదానంలో దిగితేనే ఓ స్పష్టత వస్తుందని అన్నారు. అందుకు ఐపీఎల్ వరకు ఆగాలని, ఇప్పటినుంచే ఊహాగానాలు చేయవద్దని తెలిపారు. ఐపీఎల్ లో ధోనీ ఆటతీరే అతని భవిష్యత్తును నిర్ణయిస్తుందని ఓ ప్రశ్నకు సమాధానంగా చెప్పారు. వచ్చే ఏడాది టీ20 వరల్డ్ కప్ ముందర జరిగే ఐపీఎల్ ఆటగాళ్ల ఎంపికలో కీలకంగా మారే అవకాశం ఉందని అభిప్రాయపడ్డారు.