అసెంబ్లీలో స్పీకర్ కు ఫ్లయింగ్ కిస్ ఇచ్చిన ఎమ్మెల్యే

ఒడిశా అసెంబ్లీలో ఆసక్తికర సన్నివేశం చోటు చేసుకుంది. శాసనసభ సమావేశాల సందర్భంగా స్పీకర్ ఎస్ఎన్ పాత్రోకు కాంగ్రెస్ ఎమ్మెల్యే తారా ప్రసాద్ బాహినీపతి ఫ్లయింగ్ కిస్ ఇచ్చారు. ఈ సన్నివేశాన్ని చూసిన ఎమ్మెల్యేలంతా నవ్వాపుకోలేకపోయారు. ఈ ఘటనపై తారా ప్రసాద్ స్పందించారు. తన నియోజకవర్గ సమస్యలను ప్రస్తావించేందుకు అవకాశం కల్పించినందుకే స్పీకర్ కు ఫ్లయింగ్ కిస్ ఇచ్చానని చెప్పారు. ఇందులో మరో ఉద్దేశం లేదని తెలిపారు.