dharanikota: జనసేనకు ధరణికోట వెంకటరమణ రాజీనామా.. బీజేపీ తీర్థం పుచ్చుకున్న జియోలజిస్ట్!
జనసేన నుంచి మరో వికెట్ పడింది. గత ఎన్నికల్లో జగ్గయ్యపేట నుంచి పోటీ చేసిన జియోలజిస్ట్ ధరణికోట వెంకటరమణ నిన్న ఆ పార్టీకి రాజీనామా చేసి బీజేపీలో చేరారు. ఎన్నికల్లో ఓటమి తర్వాత పార్టీకి దూరంగా ఉంటూ వస్తున్న ఆయన నిన్న బీజేపీ రాష్ట్ర అధ్యక్షుడు కన్నా లక్ష్మీనారాయణ సమక్షంలో బీజేపీ కండువా కప్పుకున్నారు. ఈ సందర్భంగా ధరణికోట మాట్లాడుతూ.. జాతీయ పార్టీలతోనే అభివృద్ధి సాధ్యమన్నారు. నిర్మాణాత్మకంగా బలంగా లేని పార్టీలో ఎన్నో గొప్ప సిద్ధాంతాలు ఉన్నప్పటికీ ప్రజలకు న్యాయం చేయలేమనే ఉద్దేశంతోనే బీజేపీలో చేరినట్టు చెప్పారు.