తెలంగాణ రాష్ట్ర మంత్రివర్గ సమావేశం అక్టోబర్ 1న

అక్టోబరు 1న తెలంగాణ మంత్రివర్గ సమావేశం జరగనుంది. ఎన్నికల అనంతరం పూర్తిస్థాయి క్యాబినెట్ ఏర్పడ్డాక సీఎం కేసీఆర్ అధ్యక్షతన జరుగనున్న రెండో సమావేశం ఇది. ప్రగతిభవన్ వేదికగా రేపు సాయంత్రం 4 గంటలకు జరిగే ఈ కీలక సమావేశంలో అనేక ముఖ్యమైన అంశాలు చర్చకు రానున్నాయి. ప్రధానంగా కొత్త రెవెన్యూ చట్టం గురించి కూలంకషంగా చర్చించనున్నారు. ఇక, నూతన సచివాలయ నిర్మాణంతో పాటు హుజూర్ నగర్ ఉపఎన్నిక అంశం కూడా మంత్రివర్గ సమావేశం అజెండాలో చోటుచేసుకునే అవకాశాలున్నాయి.