తాడేపల్లి, మంగళగిరిలను మోడల్ మున్సిపాలిటీలుగా తీర్చి దిద్దుతాం: వైసీపీ ఎమ్మెల్యే ఆర్కే
- ఈ ప్రాంతాన్ని సుందరంగా తీర్చిదిద్దేందుకు సీఎం కృషి
- రూ.1500 కోట్లతో ప్రతిపాదనలు సిద్ధం చేస్తున్నారు
- బాబు హయాంలో ఈ ప్రాంతాల అభివృద్ధి జరగలేదు
తాడేపల్లి, మంగళగిరిలను మోడల్ మున్సిపాలిటీలుగా తీర్చి దిద్దుతామని వైసీపీ ఎమ్మెల్యే ఆళ్ల రామకృష్ణారెడ్డి అన్నారు. ఈరోజు ఆయన మీడియాతో మాట్లాడుతూ, ఈ ప్రాంతాన్ని రెండు నెలల్లోనే సుందరంగా తీర్చిదిద్దేందుకు సీఎం జగన్ కృషి చేస్తారని, రూ.1500 కోట్లతో ప్రతిపాదనలు సిద్ధం చేస్తున్నామని వెల్లడించారు. చంద్రబాబు తన హయాంలో ఇక్కడి అభివృద్ధికి పాటుపడలేదని విమర్శించారు. అందుకే, మొన్నటి ఎన్నికల్లో లోకేశ్ ను ప్రజలు ఓడించారని అన్నారు.
