భారత అమ్ములపొదిలో మరో ఆయుధం.. ‘అస్త్ర’ ప్రయోగం విజయవంతం!

భారత వాయుసేన(ఐఏఎఫ్) ను పటిష్టం చేసే దిశగా మరో ముందడుగు పడింది. భారత రక్షణ పరిశోధన, అభివృద్ధి సంస్థ(డీఆర్డీవో) అభివృద్ధి చేసిన ‘అస్త్ర’ క్షిపణిని వాయుసేన విజయవంతంగా పరీక్షించింది. పశ్చిమబెంగాల్ లోని ఓ ఎయిర్ బేస్ నుంచి సుఖోయ్-30 ఎంకేఐ యుద్ధ విమానం ద్వారా దీన్ని విజయవంతంగా పరీక్షించారు.

ఈ ప్రయోగాన్ని డీఆర్డీవో, వాయుసేన ఉన్నతాధికారులు పర్యవేక్షించారు. దీన్ని గగనతలం నుంచి గగనతలంలోని లక్ష్యాలపై ప్రయోగించవచ్చు. దాదాపు 70 కిలోమీటర్ల పరిధిలోని లక్ష్యాలను అస్త్ర ఛేదించగలదు. తాజా ప్రయోగంతో భారత వాయుసేన మరింత పటిష్టం కానుంది.